24 July 2012
19:46 - ЕИнинг махсус вакили Патриция Флор Тошкентга келди
Бугун Европа Иттифоқининг Марказий Осиё масалалари бўйича янги тайинланган махсус вакиласи Патриция Флор Тошкентга келди. Хонимнинг Ўзбекистон Ташқи ишлар вазирлигида мулоқотлар ўтказиши, шунингдек, Оқсаройда Президент Ислом Карим томонидан қабул қилиниши кутилмоқда. Тасдиқланмаган манбаларга кўра, ЕИ вакили Иттифоқнинг Ўзбекистондаги ваколатхонасида фуқаролик жамият вакиллари билан ҳам кўришиши режалаштирилган.

Кеча Тожикистон Президенти, мамлакат Ташқи ишлар вазири билан учрашган ЕИнинг мартабали мулозими: “Биз минтақада ўзаро ҳамкорлик, иқтисодий масалалар, энергия ресурслари, демократия ва инсон ҳуқуқлари тараққиёти ҳақида келишдик” деди. У бугунги Тошкент учрашувларидан сўнг Марказий Осиёнинг бошқа мамлакатларига ҳам сафар қилади.

Эслатиб ўтамиз, Патриция Флор шу йилнинг 1 июлида 2 йиллик муддат билан бу лавозимга тайинланган. У бу лавозимига қадар, яъни 2011 йилдан бери Германиянинг Шарқий Европа, Кавказ ва Марказий Осиё бўйича махсус вакили бўлиб ишлаган. . У 2011 йил 10 октябрида, яъни ҳали эски лавозимида экан, Тошкентда фуқаролик жамияти вакиллари билан учрашгани, учрашувда “Эзгулик” раҳабари Васила Иноят иштирок этгани биз тарафимиздан ҳам хабар қилинганди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону