08 May 2012
22:20 - Россиянинг қўғирчоқ президенти қўғирчоқ Бош вазир бўлди
Бугун Россия парламентининг қуйи палатаси - Давлат Думаси - янги эски Президент Владимир Путиннинг таклифи билан собиқ президент Дмитрий Медведевни Бош вазир этиб тайинлади. Бундай қарор учун 299 депутат овоз берибди, қаршиларнинг сони 144. Давлат Думасида 450 депутат бор.

Коммунистик ва Адолатли Россия партиялари Дмитрий Медведевнинг номзодини қўллаб-қувватламликларини, Бирлашган Россия ва Либерал-демократик партиялар эса, қўллаб-қувватлашларини аввалдан эълон қилган эдилар. Адолатли Россия партиясининнг бир неча аъзоси партиянинг қарорига қарамасдан Медведев учун овоз бергани айтилмоқда. Уларга қарши чора кўриш-кўрилмаслиги маълум эмас.

Давлат думасида Бош вазир тайинлаш масаласи кўрилар экан, мухолифатнинг сўлчи ва миллатчилар қаноти Москва марказида норозилик акциялари уюштиришга ҳаракат қилди. Удальцов ва Навальний бошчилигидаги 200-300 кишилик гуруҳ, табиий, ҳеч нарса қилолмади, тўғрироғи, полиция ҳеч нарса қилдирмади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону