19 April 2012
00:53 -
Рус демократларининг кутилмаган тўғри қарори: Россия Демократик Партиясининг номи ПАРНАС деб ўзгартирилади
Европа Инсон Ҳуқуқлари Суди 2006 йили Россия Демократик Партиясининг Россия суди тарафидан бекитилиши ҳақидаги қарорини нотўғри деб топганидан кейин берилган таҳлилларда “Ҳаракат” агентлиги мухбирлари бу партиянинг Россия сиёсий саҳнасида ҳеч қачон жиддий роль ўйнамагани, бу партиянинг регистрацияси тикланса, унинг раиси Владимир Рижков ҳаммани ўз атрофида бирлашишга чақириб, мухолифатнинг яна ҳам парчаланишига йўл очиши, аслида, Россия ҳукумати ҳам шуни мақсад қилгаётганини ёзган эдилар.Рус демократларининг ақли киришга бошлади шекилли, улар тўғри қарорлар чиқариш йўлидан кетибдилар. Бугун gazeta.ru сайтида берилган хабарга кўра, кеча рус демократларининг бирлашган партяси – Халқ Эркинлиги Партияси (ПАРНАС) лидерлари Михаил Касьянов, Владимир Рижков (расмда) ва Борис Немцов бир орага келиб, мавжуд вазиятни анализ қилишибди ва тўғри йўл танлашибди. Энди уларнинг мақсади - Россия Демократик Партиясининг регистрацияси тикланишини кутиш ва ундан кейин бу партиянинг номини ПАРНАС деб ўзгартириш.
Шундай қилинса, дейди мухбиримз, сих ҳам куймайди, кабоб ҳам. Дарвоқе, партиянинг Қурултойини 6 июлда ўтказиш ҳақида ҳам келишилибди.
Табиий, партиянинг номи ўзгарса, бу нарса ҳам Адлия вазирлигида расмийлаштирилиши керак. Владимир Путиннинг режимига бу нарса ёқмаслиги ҳам аниқ. Аммо, муҳим бўлгани – демократик мухолифатнинг парчаланмаслиги ва ПАРНАС номи остида биргаликда ҳаракат қилиниши.
