27 March 2012
04:44 - Яна бир сенсация: АҚШ Давлат Департаментининг юқори даражали мулозимлари “Эзгулик” жамияти офисига келди
Бугун АҚШ Давлат Котиби ёрамчисининг ўринбосари Томас Мелиа ва Давлат Департаментнинг диний эркинликлар бўйича идораси мулозими Рейчел Сауйер Ўзбекистон инсон ҳуқуқлари “Эзгулик” жамияти фаолияти билан танишиш мақсадида унинг Тошкентдаги офисига АҚШ элчихонаси ходимлари билан биргаликда ташриф буюрди.

Меҳмонларни қарши олган жамият раҳбари Васила Иноятова меҳмонларга Ўзбекистондаги инсон ҳуқуқлари вазияти, жамият фаолияти ва галдаги режалар хусусиа сўзлаб берди. Васила Иноятова меҳмонлар эътиборини сиёсий ҳуқуқлари, диний ва сўз эркинлиги ҳамда болалар меҳнати муаммосига қаратди. Жамиятнинг бу борадаги ҳисобот ва фаолиятидаги йўналишлар билан таништирди.

“Ўзбекистон ҳукуматининг ташқи дунё, хусусан, АҚШ ва демократик Ғарб билан сиёсий интеграцияси, шубҳасиз, ижобий ҳол, аммо бу инсон ҳуқуқлари вазиятининг яхши томонга ўзгараётганини англатмасада, ҳуқуқ ҳимоячиларига янги куч беради” деди учрашувда қатнашган “Эзгулик” жамияти Марказий Бошқарувининг аъзоси Абдураҳмон Ташанов.

АҚШ ҳукуматининг бундай юқори даражали мулозимларининг ўзбек ҳуқуқ ҳимоячилари олдигa келиши эса, дейди мухбиримиз, ростакам сенсациядир.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону