25 March 2012
06:14 - Алдагани ўзбек яхши: Космонавт Солижон Шариповни қирғизча лақиллатишмоқчи
Маълумки, Қирғизистон Президенти Алмазбек Атамбай ўзбек космоновти Солижон Шариповни 2010 йил июнь ойидаги қонли воқеаларнинг сабабчиларидан бири сифатида айблади, ўзбек жамоаси лидерларидан бири Қодиржон Ботиров бутун мулкини Солижон Шарипов номига ўтказиб қўйди, дейишгача борди. Аммо, Солижон Шарипов ўзини оқлаш ниятида Алмазбек Атамбай билан учрашиш учун Москвадаги Қирғизистон элчихонасига келганда, қирғизлар унга очиқча ҳурматсизлик кўрсатиб, ташқарига улоқтиришди. Унинг ўрнида бошқа миллат вакили бўлса эди, бунинг устига – космонавт, элчихонада тўпалон чиқариб бўлса ҳам, ўз борлигини кўрсатарди, ўзи билан ҳисоблашишга мажбур қиларди.

Энди қирғизлар бечора ўзбекдан чиққан бечора космонавтни бошқача йўл билан алдашга ўтишибди.

Қирғизистонда тарқатилган хабарларга кўра, шу йил 9 апрелда Ўш шаҳрида Қирғизистон жанубидаги мактаб болалари ичида рус тили бўйича Олимпиада ўтказилиб, ғолибларга “Солижон Шарипов мукофотлари” топширилар эмиш. Бу Олимпиаданинг ташаббусчиси ҳам Солижон Шариповнинг ўзи эмиш. Олимпиада Рус православ черкови қошидаги мактабда ўтказилар эмиш.

Қирғизлар бу Олимпиадани яхшилаб ўтказиб беришса, нега ўтказишмасин, ахир у ўзбек эмас, рус тили бўйичаку, Рус православ черкови қошида ўтказиладику, Солижон Шарипов ўзбеклигини ҳам, Москвада таҳқирлаганини ҳам унутиши аниқ.

Чунки, ўзбеклар миллат сифатини ҳам йўқотишаётгани ҳақидаги гаплар бу космонавтга ҳам тегишлидир.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону