24 March 2012
06:14 -
Dow Jones бу ҳафта тушди, аммо бу хавотирланадиган нарса эмас
Ўтган ҳафта Нью-Йоркдаги фондлар бозорининг асосий кўрсатгичи бўлмиш Dow Jones индекси 310 поғана юқорига сакраб, 13 минглик психологик тўсиқдан ўтган ва 2008 йилда бошланган молиявий кризисдан аввалги позицияга чиққан эди. Яна эслатиб ўтамиз, кризисдан олдин унинг қиймати айнан 13 билан 14 минг ўртасида ўйнаб турарди.Аммо, иш кунлари кеча тамом бўлган жорийдаги ҳафтада Dow Jones аввалги ҳафтадагидек омадли бўлмади. Душанба ва жума кунлари бироз ортиш бўлса ҳам, сешенба ва чоршанба кунлари жиддийроқ ўлчовда тушиш бўлди. Хуллас, бир ҳафтада 112 поғанага тушган Dow Jones индексининг қиймати энди 13081 га тенг.
Энг муҳим бўлгани шуки, Dow Jones кризисдан олдинги даражага чиқди, демак, АҚШнинг катта компаниялари/ширкатлари, яна ҳам очиқча гапирсак, катта бойлари кризисдан аввалги мавқеларини эгалладилар.
Иқтисодий кризисдан чиқиш вақти ҳам келмоқда.
