23 March 2012
19:22 - Президент сайлови 2015 йилда бўлади
Олий Мажлис Сенатининг ялпи мажлиси 23 март, яъни байрамнинг иккинчи куни ўтказилиши ҳақида аввал хабар берган эдик. Бугун ўтказилган мажлис ҳақида ҳали тафсилотли маълумотлар тарқатилгани йўқ. Аммо, келажакда бўладиган сайловлар ҳақида қарорлар қабул қилингани эълон қилинди.

Масалан, Ўзбекистон Олий Мажлисига навбатдаги сайловлар 2014 йилнинг декабрь ойида, президент сайлови эса, парламент сайловлари натижалари эълонидан 90 кун ўтгач бўлади. Оддий ҳисоб ҳам кўрсатмоқдаки, президент сайлови 2015 йил апрель ойи ўрталарида ёки охирида бўлади. Ваҳоланки, шу кунгача мавжуд бўлган қонунларга кўра, сайлов декабрь ойининг учинчи ўн кунлигининг сўнги якшанбасида бўлиши керак эди.

Маълумки, сўнги президент сайлови 2007 йилда бўлган ва Ислом Карим бу лавозимга 7 йилга сайланганди. Сайлов ўтказиш саналари Ўзбекистоннинг қонунларида аввалдан белгиланган. Шундай экан, парламент сайловлари хусусида янги қарор/қонун чиқаришнинг, президент сайлови санасини ўзгартиришнинг жиддий сабаблари айтилиши керак эди, аммо айтилмаган.

Фақат тахмин қилиш мумкинки, бундан буён сайланадиган президент ваколатлари 5 йил деб белгилангани сабабли, парламент ва президент сайловларини кетма-кет ўтказиш нияти бор.

Шуни ҳам айтиш керакки, бугунги мажлиснинг кун тартибида сайловларга оид масалалар ҳам бўлишини депутатларнинг ўзи ҳам олдиндан билмаган. Қонун ҳеч қандай муҳокамасиз якдиллик билан қабул қилинган. Юқоридан, яъни Ислом Каримдан шундай буйруқ келгани шубҳасиз.

Унинг мақсади - 2015 йилдан бошлаб, яна икки муддатга президент бўлиб қолишдир.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону