Кеча АҚШнинг мамлакатимиздаги элчилигида ўтган учрашувда Крол жаноблари ўзининг дипломатик фаолияти, АҚШ–Ўзбекистон муносабатлари истиқболлари ҳақида гапирди. 50 дан ортиқ расмий ахборот воситаларининг вкиллари ва мустақил журналистлар иштирокидаги анжуманда элчи Ўзбекистонни, унинг салоҳияти ва муаммоларини бирмунча яхши билишини намойиш этди.

Тури мавзулардаги саволларга тез ва бийрон жавоб қайтарган дипломат АҚШ–Ўзбекистон ҳамкорлигида инсон ҳуқуқлари ва демократия мавзуси етакчи ўринни эгаллаши, ҳали бу масала бир дақиқа ҳам кун тартибидан тушмаганига эътибор қаратди, дейди учрашувда иштирок этган мухбиримиз.