03 January 2012
01:50 - “Ҳаракат” хатқутисидан: Юсуф Жума Абдураҳим Пўлатга
Абдураҳим Пўлатга

Нотузик қавмнинг тузугидирсиз
Ҳар қалай мен учун бузругидирсиз.

Гарчи ҳамиша ҳам ҳақни демассиз
Шукрким Солиҳдек сотқин эмассиз.

Озодлик адл деб ҳайқирди Бирлик
Миллатни бирликка чақирди Бирлик.

Энг қора кунларда бўлдингиз пешво
Хиёнат туфайли сўнди бу зиё.

Эрман деганларни ҳарамга солди
Йўлига мустабид Солиҳни солди.

Бу ғаддорни бесаноқ туғар
Ичидан чиққанлар бўғзидан бўғар.

Қани майдонларни тўлдирган Бирлик?!
Шошу Қўрғонларни тўлдирган Бирлик?!

Сотқинбоши Солиҳ Бирликдан чиқди
Миллатни золимнинг пойига йиқди.

Бирлик қайда қолди? Шоҳ саройида!
Муҳаммад Солиҳнинг чиққан жойида.

Эҳтимол баландмиз, эҳтимол пастмиз,
Шукр Солиҳдайин сотқин эмасмиз.

Хоинлар мустабид занжиридадир
Фидолар эрларнинг томирларидир.

Юраклар қонлари жўшади бир кун
Миллат майдонларга тушади бир кун.

Озодлик, Туркистон бўлур музаффар,
Қасос муқаррардир, қасос муқаррар.

Юсуф Жума
30.12.2011
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону