01 December 2011
00:16 - Мисрдаги парламент сайловларини “Мусулмон-қардошлар” партияси ютмоқда
Бугун ўтказилган сайловларнинг биринчи босқичи натижалари ҳали маълум эмас. Аммо, узоқ йиллардан бери тақиқ остида бўлган “Мусулмон-қардошлар” партияси 40 фоиздан кўпроқ, дунёвий партияларнинг коалицияси 22 фоиз овоз олгани ҳақида тўла бўлмаган маълумотлар борлигини, маҳаллий оммавий ахборот воситаларига асосланиб, Reuters агентлиги билдирди.

Мисрда парламент сайловлари бир неча босқичда ўтади. Парламентнинг қуйи палатаси бўлмиш Халқ Ассамблеясига сайловлар бугун бошланди, аммо январь ойининг ўрталарида тамом бўлади. Ундан кейин юқори палата – Маслаҳат Кенгашига сайловлар ўтказилади.

Бу мамлакатда оммавий намойишлар натижасида Ҳусни Муборакнинг йиқитилиши туфайли 1952 йилдан бери биринчи марта эркин сайловлар ўтказиш имкони пайдо бўлди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону