30 November 2011
16:29 -
Россия қурбон қилишни тақиқламоқчими?
Бу мамлакат матбуотидаги хабарларга кўра, кеча Москва шаҳар думасида қурбон қилиш билан боғлиқ бўлган диний маросимлар жамоат тартибини бузишга олиб келса, уларнинг иштирокчилари ва ташкилотчиларини маъмурий жавобгарликка тортиш масаласи муҳокама қилинган. Агар бу хусусда қандайдир қонун-қоидалар қабул қилинса, масалан, мактаб ва болалар боғчалари яқинида қўй сўйиш ёки жамоат тартибини бузиб ибодат қилиш каби ҳаракатлар учун 15 кунгача қамаш жазоси киритилади.Россия Давлат Думасига ҳам шу масалага доир қонун лойиҳаси киритилган.
Яқинда Москвада Қурбон ҳайитининг оммавий байрам қилиниши вақтидаги воқеалар бундай ташаббусларнинг пайдо бўлишига сабаб бўлибди.
Кўринишидан, ҳозирча янги қонун-қоидалар қабул қилинмайди, ҳамма нарса таклифларни муҳокама қилиш билан битади. Аммо, келажакада бу йўналишда жиддий қадамлар қилиниши муқаррар, чунки, қурбон қилишнинг амалдаги анъаналарининг жоҳиллик каби тарафлари бор.
Аслида, оммавий қурбон қилиш Ислом динининг моҳиятидан келиб чиқмайди. Вақти келиб, ўрта асрларда муллалар тарафидан оммавийлаштирилган қурбон қилиш маросимлари мусулмонларнинг ўзи тарафидан йўқ қилинади, қурбон қилиш рамзий амалиётлар билан алмаштирилади.
