Ўтган йили “Ҳаракат” агентлиги бу лидерларнинг хатосини очиқча кўрсатган бўлса ҳам, бу мавзуни ортиқча чуқурлаштирмагани хато бўлган эди. Айнан шу сабабли, бу сафар бу хусусда кўп гапирмоқчимиз. Тилга олинган мақола шу йўналишдаги муҳим, ўзбек миллатининг тақдири нуқтаи назаридан, муҳим биринчи қадамдир.
Бу мақолада иккинчи ва ҳатто учинчи даражали роль ўйнайдиган нарсалар ҳам бор. Улардан бири – тожик аслли ўзбек ҳуқуқ ҳимоячиси Суҳроб Исмоилов “Бирлик” тарафидан (расмий мақомга эга бўлган “Эзгулик”нинг ёрдамида) Қирғизистон элчихонаси олдида уюштирилган митинг учун, Қирғизистондаги ўзбек диаспораси лидерларини алдаб, каттагина пул олгани ҳам йўл-йўлакай тилга олиниши эди.
Ҳозир маълум бўлишича, бу тожик бача “Ҳаракат” сайтидаги ЎЗБЕК миллатининг тақдирига оид аргументларни четга суриб қўйиб ва бир қатор содда ўзбекларни қозоқ қилиб, ҳамманинг диққатини ўзига тортмоқчи. У бир хат тарқатиб, асосан ўзбек демократик мухолифатининг лидери Абдураҳим Пўлатни қўлидан келганча тожикчасига ҳақорат қилишга интилган. Аммо, пикет учун пул олмаганини кўндаланг қилиб, очиқча айтмаган, турли сўз ўйинлари қилган. Демак, “Ҳаракат” сайти яна ҳақ бўлиб чиқди. У пул олган, энди содда ўзбекларни қозоқ қилиб, мавзуни бошқа тарафга бурмоқчи.
Суҳроб Исмоилов пулни ўша ўзбекларга қайтариши ёки Ўзбекистондаги, Тожикистондаги эмас, биронта ҳайрия фондига топшириши керак. Керак эмас, шарт.
Абдураҳим Пўлатнинг билдиришича, у “Брюсселдаги Алишер Навоий институтининг сири очилди, “Бирлик”га қарши кураш янги даражага чиқарилмоқда” мақола қўлига келиб тушгандан кейин, Суҳраб Исмоилов “Эзгулик” жамияти аъзоси бўлганини ҳисобга олган ҳолда, жамият раиси Васила Иноят билан телефонда гаплашган ва мақола хусусида унга маълумот берган. У тарафдан ҳеч қандай эътироз бўлмаган, бўлиши ҳам мумкин эмасди.
Маълумки, бундан бир неча кун илгари Галина Бухабоева Васила Иноятнинг касаллигидан ва Интернетга кириш имконияти йўқлигидан фойдаланиб, унинг “Бирлик” баёноти ҳақидаги хато гапларини эълон қилган эди. Бу сафар, кўринишидан, Суҳроб Исмоилов айнан шу ишни қилган ва Васила Иноят номидан хато баёнот эълон қилинишига эришган. Васила ҳам Суҳроб Исмоиловнинг пул олганини рад этолмасдан, уни бошқа ишлари туфайли олқишлашга ҳаракат қилган. Балки, у шу пайтгача олқишга сазовор ишлар қилгандир, аммо ҳозир янглишди. Янглиш - жиддий. Бунга жавоб бериши керак. Тўғриси, у ўзбек ҳуқуқ ҳимоячилари сафини тарк этиши шарт. Шундай бўлади ҳам.
Васила Иноят касал бўлгани сабабли “Ҳаракат” сайтидаги мақолани ўқимаганлиги шундан ҳам кўриниб турибдики, ўша мақолади Суҳробга нисбатан ҳеч қандай тухмат ва бўхтон йўқ. Сайтимиз мухбири Брюсселдан тарқатилаётган гапларни қайтарган холос. Агар бу ерда қандайдир тухмат ва бўхтон бўлса ҳам, у Европадан келмоқда, биздан эмас.
Аммо, айни замонда, шуни ҳам унутмайликки, Суҳроб Исмоилов ҳуқуқ ҳимоячиси сифатида биронта иш қилганини ҳеч ким билмайди. У охирги йилларда иккита сиёсий партияга аъзо бўлди, кейин чиқди. Ўзбекистондаги мавжуд ҳуқуқ ҳимоячиси ташкилотларнинг сал кам ҳаммасида қисқа вақт аъзо бўлиб чиқди. Ўзи 10 га яқин ташкилот қуриб кўрди, биронтасини ишлатолмади. Бундан бир неча йил аввал Татаристондаги ҳуқуқ ҳимоячиларининг мукаммал бир ҳисоботини, фақатгина “Татаристон” сўзини “Ўзбекистон”га айлантириб, ўз ташкилоти номидан эълон қилди. Бундай шармадагарчилик ҳали жаҳонда бўлмаган. Аммо у тожик бача шунчалик шарманда бўлгандан кейин ҳам, ҳеч кимдан узр тиламади. Ваҳоланки, у ўшанда ўзбек ҳуқуқ ҳимоячилари сафидан отилиши керак эди. Бу сафар уни ҳеч ким кечирмайди, у отилади.
У ҳозир Эксперт Ишчи Гуруҳи тарафидан тарқатаётган материаллар асосан бировлардан кўчириб олинган олди-қочди нарсалардир.
Бу гуруҳ таркибида ҳақиқий иш олиб бораётган биргина ташкилот бор, у ҳам бўлса бирликчи тарафидан бошқарилаётган хоразмлик “Нажот”дир. Ҳамма уни моддий ва маънавий қўллаб-қувватлаши лозим. Шундай бўлади ҳам.
