24 November 2011
04:32 -
Тинимсиз ёмғир ўзбекистонликларнинг тинкасини қуритди
Бир неча кундан бери майдалаб ёғаётган ёмғир ва тунд ҳаво юртдошларимизнинг тинкасини қуритгани ҳақида мамлакатимизнинг турли минтақаларидан хабарлар келмоқда. Йиллик ёғин миқдорининг каттагина қисмини ташкил қилган бундай намгарчилик энди кишиларга ростданам ташвиш келтиришга бошлади. Ердан кўтарилаётган зах, лойгарчилик жиддий муаммолар туғдираётгани ҳақида маълумотлар бор. Ариқ, зовурлар сувга тўлди. Дарёлар тўлиб оқа бошлади. Бу ернинг намга тўйиниши нуқтаи назаридан бир томонлама яхши бўлса, иккинчи томондан зарарли ҳамдир, дейишмоқда юртдошларимиз. Об-ҳавони кузатувчи мутахассислар бундай ҳолнинг яна бир неча кун давом этишини айтмоқда.
