05 November 2011
01:50 - G20 саммити Юнонистионни референдум ўтказмасликка рози қилиб, ишини битирди
Франциянинг Канн шаҳрида кеч кечқурун иш бошлаган G20 саммити бугун куннинг биринчи ярмидаёқ ишини битирди. Кун тартибининг асосий масаласи - Юнонистонни иқтисодий кризисдан олиб чиқиш эди. Аслида, ЕИнинг лидерлари бир неча кун аввал бу маслани ҳал қилиб бўлишганди. Юнонистон ЕИдан 8 млрд доллар ёрдам олиш, Европа банкларидан олган қарзларининг ярмидан озод этилиш эвазига давлат ҳаражатларини жиддий ўлчовда камайтириши лозим эди. Аммо, бу мамлакат Бош вазири турли ўйинлар бошлаб, ЕИнинг таклифларини умумхалқ реферндумга қўймоқчи бўлди. Экспертларнинг фикрича юнон халқи давлат ҳаражатларини каматириш, яъни аҳолининг камарини тортишга қарши чиқиши аввалдан аниқ эди. У ҳолда, Юнонистондаги кризис чуқурлашиб, 2008 йилдан кейин иккинчи жаҳон кризисига йўл очиларди.

Хуллас, G20 саммити Юнонистонни реферндум ўтказидан воз кечишга мажбурлади, бу мамлакат ЕИ таклиф қилган йўлни қабул қилди.

Бундан ташқари G20 саммити икки томонлама учрашувлар саҳансига айланди. Иқтисодий кризисдан бошқа турли халқаро ва икки томонни қизиқтирувчи масалалар бўйича норасмий фикр алмашуви бўлгани ҳам катта ижобий воқеадир.

Эслатиб ўтамиз, 2008 йилнинг ёзида бошланган жаҳон молиявий кризисдан чиқиш йўлларини қидириш учун жаҳоонинг энг кучли 19 мамлакати ва ЕИ иштирокидаги биринчи G20 саммити 2008 йил 15 ноябрда Вашингтонда бўлиб ўтганди. G20 аъзолари қуйидагилардир:

АҚШ
Буюкбритания
Франция
Япония
Германия
Россия
Канада
Италия
Аргентина
Австралия
Бразилия
Хитой Халқ Жумҳурияти
Ҳиндистон
Индонезия
Мексика
Саудия Арабистони
Жанубий Африка Жумҳурияти
Жанубий Корея
Туркия
Европа Иттифоқи
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону