23 September 2011
15:27 -
Ислом Карим У Бингони қабул қилди
Ўзбекистон президенти Хитой парламенти раҳбарини 22 сентябрь куни қабул қилгани ЎзА агентлиги тарафидан кеча ярим кечада эълон қилинди. Умумий гаплардан иборат хабарда, учрашувнинг ҳеч қандай тафсилоти йўқ.Аммо, хабарнинг сўнгидаги учрашувга тўғридан-тўғри алоқаси бўлмаган қуйидаги иккита рақам ҳар кимни қизиқтириши мумкин.
Ҳозир Ўзбекистонда 350 дан ортиқ Ўзбекистон-Хитой қўшма хорхонаси бор. Икки мамлакат ўртасидаги ўзаро савдо ҳажми 2010 йилда 2 млрд доллардан зиёд бўлган.
Солиштириш учун айтиш керакки, кечаги хабарларимизда айтилганидек, Ўзбекистонда Япония иштирокидаги бор-йўғи 10 та қўшма корхона бор. Шу йилнинг биринчи тўрт ойида Ўзбекистон-Япония ўртасидаги савдо алмашуви 29,9 млн доллар бўлган, яъни бир йиллик умумий савдо ҳажми 90 млн доллар атрофидадир.
