04 September 2011
12:05 - Тожикистондан хабарлар (Тўлатилган версия)
1. Хатлон вилоят суди 1 сентябрда 7 нафар ўзбекни 16 йиллик қамоққа жўнатди. Улар расмдаги қўзғолончи полковник Маҳмуд Худойбердиевнинг одамлари экан. Уларни 13 йил аввалги воқеалар бўйича суд қилишган ва мулкларини мусодара қилиб, ўзларини узоқ муддатга озодликдан маҳрум қилишган. Адвокатларнинг фикрича, Тожикистондаги фуқаролар уруши пайтидаги ишлар билан судланганлар амнистияга тушиши керак эди, аммо бундай қилинмаган. Улар бу иш бўйича президент Имомали Раҳмонга мурожаат қилишмоқчи. Сўнгги маълумотларга кўра, суд ўша куниёқ жазоланганларга нисбатан амнистия қўллаб, уларнинг озодликдан маҳрум бўлиш муддатдарини 14 йилга туширибди.

“Ҳаракат”: Ўзбек мактабларини бекитишгача бораётган Тожикистон ҳукуматидан бундан бошқа нима ҳам кутиб бўларди. Аммо, унутмайликки, ўз ичимиздан чиққан хоин-ёзувчилар - 53-54 лақабли Салой Мадамин ва Ёдгор Обид ҳам Маҳмуд Худойбердиевни бандит деб қоралаш билан шуғулланиб келмоқдалар. Ҳозир улар бу суд қарорини оқишлаб қарсак чалишаётган бўлса ажаб эмас. Аммо, ўзбек миллати ахир бир кун бу хоинларнинг жазосини бериши керак.

2. 2-3 сентябрь кунлари Душанбеда “Тожикистоннинг мустақиллиги ва тожик диаспораси: шаклланиш тарихи, ютуқлар ва муаммолар” номли Халқаро илмий-амалий конференция бўлиб ўтди.

“Ҳаракат”: Бу конференциянинг ўтказилиши кўрсатмоқдаки, Тожикистон чет элда яшайдиган тожикларнинг тақдирига бефарқ бўлиб қолмоқчи эмас. Шу муносабат билан эслатиб ўтамиз, “Бирлик” Партияси бир неча йил аввал Ўзбекистон президенти Ислом Каримга мурожаат қилиб, чет элда яшайдиган ўзбекларнинг муаммолари билан шуғулланувчи махсус вазирлик яратишни таклиф қилган эди. Минг афсуски, бу чақириқ жавобсиз қолган.

3. Бугун куннинг иккинчи ярмида Тожикистонга расмий ташриф билан Эрон президенти Маҳмуд Аҳмединажод келади. У бугуноқ ҳамкасби Имомали Раҳмон билан учрашади.

Манба - Asia-Plus
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону