12 August 2011
01:54 - Ўзбекистоннинг доимий аҳолиси 28,6 миллиондан ошди
Бу ҳақда тарқатилган хабарлар Давлат Статистика Қўмитасига асосланиб берилди. Унга кўра, шу йилнинг 1 июлида мамлакатимиз доимий аҳолисининг сони 28,639 млн бўлибди. Доимий аҳоли деганда маълум ҳудудда яшовчи сифатида рўйхатга олинган одамлар тушунилади. Демак, 28,8 млн киши Ўзбекистон рўйхатларида бор. Аммо, уларнинг қанча қисми ҳозир Ўзбекистонда яшаётгани ва қанча қисми яшамаётгани маълум эмас.

Мамлакат аҳолисининг 14,697 миллиони, яъни 51,3 фоизи шаҳарларда яшайди. Давлат Статистика Қўмитаси туғилиш, ўлим, оила қуриш, ажралиш, ўлимнинг саббаларига доир бир қатор рақамларни ҳам эълон қилган. Бу рақамлардан кўринишича, йилнинг биринчи ярмида туғилиш ўтган йилнинг шу даврига нисбатан 1,6 промиллега (промиле мингдан бир демакдир) камайган, ўлим 0,2 промилега кўпайган. Яъни, бу ерда сезиларли ўзгариш йўқ.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону