09 July 2011
21:50 - Дунё ҳаритасида янги давлат пайдо бўлди – Жанубий Судан
21 асрда ҳам бирлашиш жараёнлари билан бир қаторда бўлиниш ҳам бор. Бугун узоқ йиллар давом этган курашдан кейин, Африка шимолидаги Судан давлатининг жанубий қисми ўзини мустақил Жанубий Судан давлати деб эълон қилди. Кечагина Судан бундай бўлинишни расман тан олган, яъни бўлинишга рухсат берган эди.

41 миллионлик Судан аҳолисининг 70 фоизини ташкил қилувчи мусулмонлар асосан мамлакатнинг шимолида яшайди. Мусулмонларнинг сал кам ярми араблар, қолганлари қора танлилар. Ҳозир мустақилликка эришган Жанубий Судан аҳолисининг тахминан чораги насронийлар, қолганлар – эскидан қолган динлар тарафдорлари.

Бир неча юз йиллардан бери мусулмонлар Судан аҳолисининг қолган қисмига ҳам Исломни қабул қилдириш учун кўп ҳаракат қилишди. Ҳаракат асосан куч ва зўравонликка асосланган эди. Бўлмади, кўп қон тўкилди. Ниҳоят, мусулмонлар бу ишни амалага ошириб бўлмаслигини тушунишди ва аҳолиси тахминан 10 миллион бўлган Жанубий Суданнинг мустақиллигини тан олишди.

АҚШ дарҳол бу мустақилликни тан олди, Россия тан олишга тайёр эканлигини билдирди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону