06 July 2011
05:37 - Ислом Карим Оқсаройда 4 нафар элчининг ишонч ёрлиқларини қабул қилди
Расмий хабарга кўра, Президент Ислом Карим Хитой, АҚШ, Веътнам ва Қирғизистоннинг янги тайинланган элчиларидан ишонч ёрлиқларини қабул қилиб олган. Ўзбекистон ТВ орқали намойиш этилган лавҳаларда Ислом Каримнинг Хитой элчиси Чжан Сёни қабул қилиш пайтда чеҳраси фавқулодда ёришиб кетгани кўриниб турарди. АҚШ элчиси Жорж Кролни мўътадил кайфиятда қабул қилган режимбоши Веътнам ва қирғиз элчилари билан дипломатик қоидаларга мувофиқ саломлашди.

Шунингдек, Ўзбекистон Ташқи ишлар вазирлигида АҚШ Давлат котиби ёрдамчиси муовини Курт Аменд етакчилигидаги делегация ҳам қабул қилинган. Умумий руҳдаги хабарлардан англашилишича, ўзаро ҳамкорликка алоқадор масалалар кун тартибига чиққан. Делегациянинг фуқаролик жамияти вакиллари билан учрашуви ҳам кутилмоқда.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону