26 May 2011
03:20 -
Белорусия президенти Қозоғистонда
Расмий ташриф билан Қозоғистонга келган Белорусия президенти Александр Лукашенко бугун қозоғистонлик ҳамкасби Нурсултон Назарбой билан учрашди, дейилади Казинформ агентлигининг хабарида. Икки президент давлатлараро ҳамкорликни яна чуқурлаштириш ҳақида умумий гаплар гапиришган, қозоқ-белорус ширкатларининг сонини ошириш, яқин орада икки мамлакат ўртасидаги савдо-сотиқ ҳажмини 1 млрд долларга етказиш хусусида келишишган.Александр Лукашенко бугун Л.Н.Гумилев номли Евросиё Миллий Университети талабалари ва ўқитувчилари билан ҳам учрашибди. У бу ердаги нутқида Нурсултон Назарбой билан дўстлигини урғулаб, ўз мамлакатидаги иқтисодий, сиёсий ва ижтимоий вазиятни мақташга уринибди.
Университет ректори Бахитжан Абдраим Белорусия диктаторига бу ўқув даргоҳининг “Евросиё ифтихори” медалини ҳам топширган.
