09 May 2011
05:23 - Халқ таълими вазирлиги: “Прописка бўлмаса, болангиз пойтахт мактабларида ўқий олмайди”
Тошкент шаҳрида доимий рўйхатдан ўтмаган шахсларнинг болалари учун ўрта мактабларда таълим олиш қийин бўлиб қолди. Энди ўқувчи ўзининг ота-онаси пойтахтда доимий рўйхатдан ўтганлиги ва бу ерда муқим яшаши қайд қилинган (прописка) ҳужжатни мактаб маъмуриятига тақдим этиши лозим. Тошкент шаҳрига рўйхатдан ўтиш амалий жиҳатдан мумкин бўлмагани боис кўпчилик ўқувчилар, уларнинг ота-оналари билан боғлиқ муаммолар юзага келмоқда.

Ўзбекистон Республикаси Халқ таълими вазирлигининг мактаблар бошқармаси (+998 71 239 19 68) вакили мухбиримиз билан телефон орқали суҳбатда ҳозирда шундай вазият юзага келгани тан олди. “Ўқувчини Тошкентдан рўйхатдан ўтган бирор шахс нотариал тасдиқланган кафиллик орқали кафолатга олса ҳам бўлади, биз паспорт режимига амал қиляпмиз, бу юқорининг топшириғи” деди ХТВ мулозими.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону