19 March 2011
00:05 - АҚШнинг мамлактимиздаги элчиси халқимизни наврўз тантаналари билан қутлади
Аввалги элчининг муддати битгани учун АҚШнинг мамлакатимиздаги вақтинчалик элчиси, тўғрироғи, муваққат ишлари вакили вазифасини бажариб келаётган келаётган Дуэйн Бутчер Наврўз байрами муносабати билан ўзбек халқини табриклади. Табрикда шундай дейилади:

"Америка халқи номидан Ўзбекистон халқини ажойиб байрам саналмиш Наврўз билан муборакбод этаман.

Ўзбекистон ва бутун Марказий Осиё минтақасидаги халқлар ушбу ўлкага ташриф буюрган баҳор фаслини, қишдан эсон-омон чиққан заминнинг қайта уйғонишини қизғин олқишлар экан, Наврўз айёмини бой миллий анъаналар асосида катта тантана қилади. Қутлуғ байрам арафасида шунга умид ва ишонч билдираманки, Америка Қўшма Штатлари ва Ўзбекистон қатор соҳалар бўйича амалга ошираётган ҳамкорлик алоқаларини мустаҳкамлашда давом этади. Биз хавф­-хатардан холи ва фаровон келажакни барпо этиш учун биргаликда меҳнат қила оламиз.

Сизга ва оилангизга тинчлик-осойишталик, соғлик-омонлик ва бахт-саодат тилайман.

Наврўз айёмингиз муборак бўлсин!"
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону