12 January 2011
01:05 - Туркларнинг “Демир” супермаркети эшигига қулф урилди
Тошкентнинг собиқ Ленинград, ҳозирги Матбуотчилар кўчасидаги машҳур “Демир” супермаркетига қулф урилди. Бу ҳақда хабар қилган бир қанча оммавий ахборот воситалари маркетда анча вақтдан бери тафтишлар бораётганини таъкидлаган. Аввал туркиялик ишбилармон Аҳмад Демирга тегишли бўлган мазкур муассаса турк ишбилармонларига қарши бошланган қувғиндан кейин ҳам бир муддат ёпилган ва қайта очилганди. Ўшанда Аҳмад Демирнинг Ўзбекистон ҳукумати билан тил топишгани айтилганди, ҳозирги ҳодиса бу миш-мишларнининг асосиз эканини исботлади.

Маркетнинг ёпилишини унинг рўпарасида “ Пойтахт савдо маркази” номли мажмуа қурилгани билан изоҳлаётган Фарғона.Ру ахборот агентлиги мухбирлари воқедан сиёсий сабаблар қидирмайди. Тошкентда кўпчилик эса, бошқача фикрда - “Демир”нинг қулаши ҳамон турк ишбилармонларига қарши олиб борилаётган ҳаракатнинг давомидир.

Эслатиб ўтамиз, 90-йиллар бошида кириб келган турк ишбилармон доираларининг айримлари мамлакатиизда диний радикал оқимларни молиялашда айбланган ва уларга совуқ муносабат ҳамон сақланиб қолмоқда.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону