14 November 2010
22:20 -
Осиё-Тинч океани Иқтисодий Ҳамкорлик форумининг саммитида икки муҳим учрашув
Тинч океани қирғоқларидаги 21 мамлакатни бирлаштирувчи Осиё-Тинч океани Иқтисодий Ҳамкорлик (ОТИҲ) форумининг навбатдаги икки кунлик саммити Япониянинг Йокогама шаҳрида бугун ўз ишини тамомлади.
Жума куни Сеулда ўтказилган G20 cаммити каби Йокогамадаги йиғилиш ҳам жиддий натижаларсиз тугади. Аслида, бундай саммитлардан конкрет натижалар кутишнинг ўзи хато бўларди. Чунки, бундай йиғилишлар дунё лидерларининг юзма-юз учрашиб туришлари ва шундай йўл билан душманликдан кўра кўпроқ дўстона алоқаларни ривожлантиришга хизмат қиладиган тадбир сифатида кўрилмоқда ва шу маънода ўз вазифасини бажармоқда.
Йокогамадаги саммит доирасида ўтказилган икки учрашув диққатга сазовордир.
Биринчиси - Россия президенти Дмитрий Медведев билан Япония премьер-министри Наото Каннинг учрашувидир. Маълумки, G20 ва ОТИҲ саммитларига кетишдан олдин Дмитрий Медведев Иккинчи Жаҳон Уруши даврида босиб олинган японларнинг жанубий Курил оролларидан бирига намойишкорона саёҳат қилиб, бу оролларнинг Японияга яқин орада қайтариб берилмаслигига ишора қилган, ғазабга тушган японлар эса, Москвадаги элчиларини вақтинча чақириб олишган эди.
Дунёнинг энг кучли иқтисодларидан бири соҳиб бўлган Япония Россия билан конфронтация йўлига ўтиб, Россияга қандайдир босимлар ўтказиши мумкин эди. Аммо, японлар Иккинчи Жаҳон Урушидан кейин танлаган йўллари – тоқатли бўлиш ва ҳамма муаммоларни шошмасдан, музокаралар орқали ҳал этиш усулидан воз кечмаганларини яна бир бор кўрсатдилар.
Расмий хабарларга кўра, икки тараф ҳам баҳсли ҳудудлар масласини кўтармасдан, келажакда иқтисодий ҳамкорлик қилиш масалаларини муҳокама қилишибди. Бу воқеа, ҳеч шубҳасиз, собиқ СССРнинг ҳарбий кучга асосланган сиёсат олиб бориш йўлига қайтаётган Россияни рағбатлантиради.
Иккинчи муҳим учрашув – АҚШ ва Россия президентларнинг учрашуви бўлди. Ёпиқ эшиклар орқасида бўлган бу учрашув ҳақида ортиқча маълумот йўқ. Аммо, иккала президентнинг учрашувдан кейин журналистларга айтган гапларига қараганда, Обама Медведевга Афғонистон масаласидаги ҳамкорлик учун миннатдорчилик билдирибди ва шу йил охиригача АҚШ-Россия ўртасида имзоланган Стратегик Ҳужум Қуроллари бўйича шартномани Конгрессда ратификация қилдиришга ҳаракат қилишини билдирибди. Кўринишидан, Обама республикачилар назорати остига ўтган Вакиллар Палатасининг Россияга нисбатан қатиқўллик сиёсати олиб боришга чақирувини инобатга олмаган. Бу ҳам Путин бошчилигидаги Россия раҳбариятининг собиқ Совет республикларига нисбатан олиб бораётган агрессив сиёсатини рағбатлантириши мумкин.
Жума куни Сеулда ўтказилган G20 cаммити каби Йокогамадаги йиғилиш ҳам жиддий натижаларсиз тугади. Аслида, бундай саммитлардан конкрет натижалар кутишнинг ўзи хато бўларди. Чунки, бундай йиғилишлар дунё лидерларининг юзма-юз учрашиб туришлари ва шундай йўл билан душманликдан кўра кўпроқ дўстона алоқаларни ривожлантиришга хизмат қиладиган тадбир сифатида кўрилмоқда ва шу маънода ўз вазифасини бажармоқда.
Йокогамадаги саммит доирасида ўтказилган икки учрашув диққатга сазовордир.
Биринчиси - Россия президенти Дмитрий Медведев билан Япония премьер-министри Наото Каннинг учрашувидир. Маълумки, G20 ва ОТИҲ саммитларига кетишдан олдин Дмитрий Медведев Иккинчи Жаҳон Уруши даврида босиб олинган японларнинг жанубий Курил оролларидан бирига намойишкорона саёҳат қилиб, бу оролларнинг Японияга яқин орада қайтариб берилмаслигига ишора қилган, ғазабга тушган японлар эса, Москвадаги элчиларини вақтинча чақириб олишган эди.
Дунёнинг энг кучли иқтисодларидан бири соҳиб бўлган Япония Россия билан конфронтация йўлига ўтиб, Россияга қандайдир босимлар ўтказиши мумкин эди. Аммо, японлар Иккинчи Жаҳон Урушидан кейин танлаган йўллари – тоқатли бўлиш ва ҳамма муаммоларни шошмасдан, музокаралар орқали ҳал этиш усулидан воз кечмаганларини яна бир бор кўрсатдилар.
Расмий хабарларга кўра, икки тараф ҳам баҳсли ҳудудлар масласини кўтармасдан, келажакда иқтисодий ҳамкорлик қилиш масалаларини муҳокама қилишибди. Бу воқеа, ҳеч шубҳасиз, собиқ СССРнинг ҳарбий кучга асосланган сиёсат олиб бориш йўлига қайтаётган Россияни рағбатлантиради.
Иккинчи муҳим учрашув – АҚШ ва Россия президентларнинг учрашуви бўлди. Ёпиқ эшиклар орқасида бўлган бу учрашув ҳақида ортиқча маълумот йўқ. Аммо, иккала президентнинг учрашувдан кейин журналистларга айтган гапларига қараганда, Обама Медведевга Афғонистон масаласидаги ҳамкорлик учун миннатдорчилик билдирибди ва шу йил охиригача АҚШ-Россия ўртасида имзоланган Стратегик Ҳужум Қуроллари бўйича шартномани Конгрессда ратификация қилдиришга ҳаракат қилишини билдирибди. Кўринишидан, Обама республикачилар назорати остига ўтган Вакиллар Палатасининг Россияга нисбатан қатиқўллик сиёсати олиб боришга чақирувини инобатга олмаган. Бу ҳам Путин бошчилигидаги Россия раҳбариятининг собиқ Совет республикларига нисбатан олиб бораётган агрессив сиёсатини рағбатлантириши мумкин.
