09 July 2010
11:15 - АҚШ қўшинлари Марказий Қўмондонлигига янги раҳбар тайинланди
АҚШ ва НАТОнинг Афғонистондаги қўшинлари қўмондони генерал Стэнли МакКристалл жанжал билан ўз лавозимидан олингач, АҚШ президенти Барак Обама унинг ўрнига АҚШ қўшинлари Марказий Қўмондонлиги раҳбари генерал Дэвид Петреусни тайинлаган эди.

Reuters агентлигининг хабарига кўра, АҚШ Мудофаа вазири Роберт Гейтс Дэвид Петреусдан бўшаган лавозимга генерал Джеймс Мэттис тайинланганини эълон қилибди. Шу билан террорга қарши уруш олиб бораётган АҚШ қўшинларининг қўмондонларини алмаштиришдек катта иш охирига етди.

Эслатиб ўтамиз, Марказий Қўмондонлик АҚШ қўшинларининг Яқин Шарқ, Афғонистон ва Покистондаги операцияларини бошқаради.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону