10 August 2004
03:00 -
21:30 - Тошкентда ер кимирлади
- Тест имтихонларининг натижалари маълум бўлди
- Шахмат бўйича яна бир чемпион
-«Журналист, oгзингга эхтиёт бул!»
20:30 - "Бирлик": Мамлакатни террордан факат мухолифат куткаради
19:00 - Тошкентдаги июль портлашларига д
Каримовнинг ўн бир томлик асарлар тўплами чоп килиниши эълон килиниши маносабати билан бўлса керак, бугун тонгда Тошкентда сезиларли даражада ер кимирлаши кузатилди. UzReport. сайтида маълум килинишича, зилзила маркази Тожикистоннинг Душанбе шахрида бўлиб, у ерда зилзила кучи Рихтер шкаласи буйича 4,0 баллни ташкил килган. Хозирча Тошкентдаги ер кимирлаши хакида расмийлар изох берганлари йўк.
Республика Давлат Тест маркази олий ўкув юртларига кириш учун тест имтихонлари топширган абитурентларга унинг натижаларини бугун эълон килди. Таассуфки, айрим олий ўкув юртлари тест натижаларини эълон килишни кечиктирмокда. Давлат тест маркази вакилининг номини очикламасликни сўраб мухбиримизга айтишича, буни олий таълим муассасаларига захира учун талабалар кабул килиш имкониятлари берилгани билан изохлади. Унинг айтишича, олий таълим муассасалари маъмурияти бу ўринларга «аукцион» эълон килган кўринади.
Германиянинг Малент шахрида шахмат бўйича кўзи ожизлар ва заиф эшитувчилар ўртасида ўтказилган 1-жахон чемпионатида ўзбекистонлик Сирожиддин Зайниддинов чикди ва мамлакат Рустам Косимжоновдан сўнг иккинчи шахматчи-чемпионга эга бўлди. Негадир Сирожиддиннинг чемпион бўлиши Косимжоновники сингари тантана килинмади, Президентнинг спортга каратаётган эътибори эътироф этилмади.
Шуни таъкидлаш керакки, махаллий оммавий ахборот воситалари Косимжоновнинг чемпионлигини мамлакатда спортга берилаётган эътибор билан боглаб ковун туширишганди. Маълум булишича, Рустам жахон чемпионати ўтказилган Триполи шахрига бориш учун маблаг тополмагач, Тико автомабилини сотишга мажбур бўлган. Эхтимол, Сирожиддиннинг чемпионлиги ортида хам шунга ўхшаш ташвишлар бордир.
Бугун Ўзбекистон миллий матбуот марказида Журналистлар уюшмаси ва Матбуот ва ахборот агентлиги журналистларнинг мамлакат ижтимоий-сиесий хаётдаги ролини ошириш юзасидан давра сухбати ташкил килинди. Асосан марказий газеталарнинг мухаррирлари, телерадиокомпания тизимидаги каналлар мутасаддиларига панд-насихатлар берилган мазкур анжуманда Президент девонининг масъул ходими С. Раупов иштирок этиб, журналистларни бошланаётган сайлов кампанияси ва ўтган террористик ходисаларни ёритишда эхтиёткорликка чакирган хамда ташки ахборот хуружидан огох бўлишга даъват килган.
Шунингдек, бу каби анжуман Фукаролик жамиятини ўрганиш институтида хам ташкил этилиб, сайлов кампаниясида фаол иштирок этишга доир “кимматли” маслахатлар берилган. Мухбиримизнинг таъкидлашича, бу каби маслахатнамо пўписалар шундогам каддини тиклай олмаётган махаллий журналистларга огир зарба бўлмокда.
6 август хабаримизда “Бирлик” Партияси 30 июлда бўлган террористик ходисаларга муносабатини ифодаловчи Баёнот кабул килганини билдиргандик. Бугун шу Баёнатнинг матни расман таркатилди. У билан "Бирлик"нинг сайтида танишиш мумкин.
Кеча, 9 август куни Ўзбекистон Бош прокурорлигида асосан хорижий журналистлар учун ўтказилган брифингда республика бош прокурори Рашид Кодиров Тошкентдаги июль портлашлари бўйича кўзгатилган жиноий ишлар юзасидан айрим маълумотлар келтирда ва баъзи мулохазаларни айтди. Лекин брифингдан сўнг унинг бир неча катнашчилари келтирилган маълумотларнинг хаммаси хам ишончли эмаслигини таъкидладилар.
Рашид Кодиров айтдики, "терговнинг асосий вазифаларидан бири террорчилар шахсини таниш (идентификация килиш) дан иборат." Аммо прокурорнинг гапидан худкушларнинг портлаш натижасидаги таниб бўлмас киёфаси криминалист-мутахассислар олдида катта муаммолар тугдирганини англаш кийин эмас эди. Шунинг учун худкушларни кўрган гувохларнинг кўрсатмалари асосий манба бўлиб, хозиргача 1,5 минг гувох сўрок килинган. Бу гал худкушлар ясама портлаш курилмаларини оддий сумкаларга солиб, бўйинларига такиб олган холда ўзларини катл этишган.
Бош прокурор гапларига ишонилса, учала худкуш 25–40 ёш ўртасида бўлишган. 2 нафарининг шахси аникланган, лекин бир худкушнинг тана бўлаклари камлигидан уни таниб бўлмаган. Шахси аникланганлар чет эл фукаролари эмиш. Прокурор "тергов манфаатларидан келиб чикиб ва бошка холатларни назарда тутиб", номларини ва улар хакидаги бошка маълумотларни айтмаслигини билдирди.
Аммо, бизга маълум бўлишича, куйи расмий идораларга бу худкушлар Козогистон фукаролари экани хакида маълумот берилган ва уларнинг фоторобот ёрдамида ишланган суратлари таркатилган. Бош прокурор "бошка холатлар" деганда ён кўшнимиз - Козогистон билан дипломатик можаро чикиши эхтимолини назарда тутган бўлса керак.
Тошкент, Бухоро ва яна Тошкент портлашларининг асосий максади, деди Рашид Кодиров, "республикадаги вазиятни бекарор холга келтириш ва унинг халкаро обрўйини тўкишдир. Шунингдек, террорчиларнинг июль хуружи мамлакат ахолисини кўркитиш, экстремист-радикал гурухларнинг куч ва имкониятларини намойиш этишни хам кўзлаган. Айни вактда буни шу йилнинг март-апрель ойларида амалга оширилган террор харакатларининг 15 иштирокчиси устидан хозир Ўзбекистон Олий судида олиб борилаётган суд жараёни натижаларига таъсир кўрсатишга уриниш деб бахоламок мумкин."
Бош прокурорга кўра, худкушлар ортида халкаро экстремист-радикал ташкилотлар, шу жумладан (!) "Хизб-ут-Тахрир" турган эмиш. У июль портлашлари муносабати билан канча одам камокка олингани хакида маълумот бермади.
1 доллар ($) = 1029 сўм 1 тийин; 1 евро = 1263 сўм 73 тийин; 1 рубль = 35 сўм 25 тийин.
Ўзбекистондаги саррофлик (пул алмаштириш) шохобчаларида тижорат курси бўйича 1 долларни ўртача хисобда 1030 сўмга сотиш ва 1033 сўмга харид килиш, 1 еврони эса 1265 сўмга сотиш ва 1283 сўмга харид килиш мумкин.
