10 June 2010
02:17 - Мели Қобилов хонадонига нисбатан ҳукм эълон қилинди
Шу йилнинг 23 февраль ва 8 апрелидаги хабарларимизда жиззахлик таниқли ҳуқуқ ҳимоячиси ва собиқ чекист Мели Қобиловнинг хонадонидан 4 нафар шахс жавобгарликка тортилганини хабар қилган бўлсак, сўнгра бу миқдор 5 кишига етганини маълум қилгандик. Бугунги маълумотларга кўра, уларнинг барчасининг устидан ҳукм ўқилган.

Жиноят ишлари бўйича Жиззах вилояти суди Мели Қобиловни шахсни ёлғон гувоҳлик беришга мажбурлашда айблаб, 2 йилга шартли равишда озодликдан маҳрум қилибди. Унинг невараси Беҳзод ҳам икки йиллик шартли қамоққа ҳукм қилинди. Ўғли Дадажонга 12 йил, невараси Ғолибга 8 йил, келини Муҳайёга эса 8,5 йил қамоқ жазоси тайинланибди.

Эслатиб ўтамиз, мавжуд режим ҳуқуқ ҳимоячиси Мели Қобиловнинг ўзини Ўзбекистон Республикаси ЖКнинг 238-моддаси 2-қисми (Ёлғон гувоҳлик беришга мажбурлаш) билан, ўғли, Жиззах шаҳар Давлат солиқ инспекцияси катта нозири Дадажон Қобиловни ЖКнинг 165-моддаси (Товламачилик), 210-моддаси (Пора олиш), келини Муҳайё Қобиловани (Дадажоннинг рафиқаси) ЖКнинг 165-моддаси (Товламачилик), 210-моддаси (Пора олиш) ҳамда невараси Ғолибжонни (Дадажоннинг ўғли) ЖКнинг 165-моддаси (Товламачилик), 210-моддаси (Пора олиш) билан айбланган.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону