07 January 2006
04:00 - 23:30 - Каримовнинг мухолифат “яратиш” орзуси рўёбга чикарилмокда - "Даракчи" энди Гулнораники! 21:30 - Саиджахон суд килинмокда, бошка “бирлик”чилар эса судни кутишмокда
23:30 - Каримовнинг мухолифат “яратиш” орзуси рўёбга чикарилмокда

Бугун, 7 январда Ўзбекистон Халк демократик партиясининг ёшлар каноти ташаббускор гурухи фаоллари икки фронтда "жанг олиб бораётган" мухолифатчи Сухроб Исмоилов еткачилигида Наманганда ўз мажлисини ўтказиб, ёшлар ва аёлларни президентнинг доно сиёсатига содик бўлишга чакирди. Ўз ТВ мухбирига кўра, бу чакирикка "лаббай" деб жавоб берган наманганлик ёшларнинг кўпчилиги ХДПнинг янги ўсаётган канотига аъзо бўлганлар. Улар якинда ўтказиладиган ХДПнинг янги фракцияси курултойига делегатлар сайлашган.

Партия муассислигида чоп этиладиган "Ўзбекистон овози" газетасининг номини очикламасликни сўраган ходими мазкур ёшлар канотининг мухолифат сифатида ташкил этилаётганини таъкидлади. Президент Каримов икки палатали Парламентга сайловлар куни оммавий ахборот воситаларига интервью бера туриб, мухолифатнинг айнан ёшлардан чикишини орзу килганди. Ўша манбанинг таъкидлашича, Сухроб етакчилигидаги ХДПнинг ёшлар канотига мухолифат ролини ўйнаб бериш ва Каримовнинг орзусини рўёбга чикариш топширилган.

Режимнинг мухолифат “яратиш” бўйича бу янги авантюраси аввалгилари каби пучга чикиши хозирданок маълум, дейди мухбиримиз.

"Даракчи" энди Гулнораники!

Мамлакатда энг кўп нусхада - 260 минг дона чоп этиладиган "Даракчи" газетасининг асл хўжайинлари Президент девони етакчи консультанти Фирдавс Абдухоликов хамда унинг тогаси Россиянинг собик ТВ-6 канали рахбари Юрий Цагалаев бўлганликларини кўпчилик яхши билади. Аммо кейинги хафтада газетадан келадиган даромад-у буромадлар Президентнинг катта кизи Гулнора Каримовага ўтган. Маълум бўлишича, Гулнора якин кунларда газета йўналишини хозирги дам олиш, кўнгилочар мавзулардан ижтимоий-сиёсий йўналишга бурмокчи.

Бунда, дейди мухбирмиз, газета сотишдан келадиган даромад ўз-ўзидан камайса-да, кўпминг нусхада чоп этиладиган нашрда Гулнорани кўз-кўз килиш имконияти пайдо бўлади. Ахир, Ўзбекистонлик оддий фукароларга яхши таниш бўлмаган Сиёсий тадкикотлар маркази директори, сиёсий фанлар доктори Гулнора Исломовна ана шу нашр оркали илк марта кўриниш берганди.


21:30 - Саиджахон суд килинмокда, бошка “бирлик”чилар эса судни кутишмокда

Хукук химоячиларининг хабарига кўра, мана 3 кундирки, Тошкент вилоятидаги Куйичирчик туманининг жиноий ишлар суди Андижон вокеаларига дахлдорлардан бири - Инсон хукукларини химоя килиш “Апелляция“ жамияти рахбари Саиджахон Зайнобиддинов “иш“ини ёпик эшиклар ортида кўра бошлади. У Ўзбекистон ЖКнинг конституциявий тузумга тажовуз килиш, диний экстремистик ташкилот тузиш, унга рахбарлик килиш ва иштирок этиш каби моддалари билан айбланмокда. Холбуки ушбу хукук химоячисининг ёлгиз “айби“ афкор оммага Андижон вокеалари тўгрисида холис, рост хабар етказгани бўлган.

Кеча ва бугун баъзи ОАВлар гўё “Бирлик“нинг 5 фаоли устидан хам суд жараёни бошланганини билдирди. Шу фаоллардан бири - очикда бўлган “Бирлик“ партияси раисининг ўринбосари Хамдам Сулаймон мазкур хабарни рад этди. Бундай узункулок гаплар “Бирлик“ атрофида ўралашиб юрган айрим унсурлардан чиккан бўлиб, максад одамларни чалгитишдан бошка нарса эмас.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону