24 April 2010
19:52 - Инжил чуваш тилида тўла чоп этилди
Бу муносабат билан ўтказилган диний байрамда нутқ сўзлаган Чебоксар ва бутун Ингушистон митрополити Варнава “Чувашлар Россияда руслардан кейин Инжилни ўз она тилларига тўла таржима қилган иккинчи халқ бўлдилар” дебди. Бу ҳақда бугун хабар тарқатган русларнинг ИТАР-ТАСС агентлигининг билдиришича, чуваш тилидаги Инжил Чувашистоннинг ҳамма кутубхоналарига тарқатилган. Чуваш тилидаги Инжилнинг бугунги варианти 1876 йилда эълон қилинган таржимадан кўра тўла ва мукаммал эканлиги ҳам айтилган.

Шуни айтиш керакки, чувашлар турк аслли миллатдир. Исломни қабул қилмаган турк аслли энг камида 4 қавм бор. Булар – чувашлар, Молдованинг жанубида яшайдиган гагаузлар, ёқутлар ва хакаслар. Чувашлар ва гагаузлар тўла насронийликни қабул қилишган.

Россиянинг ҳудуди бўйича энг катта ўлкаси Ёқутустон аҳолисининг сал кам ярмини ташкил этувчи ёқутлар ва Хакасия аҳолисининг 12 фоизини ташкил этувчи хакаслар ҳозирги дунё динларидан ҳеч бирини қабул қилишмган. Лекин, татарлар ичида бўлгани каби, ёқутлар ва хакаслар ичида ҳам чўқинганлар бор.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону