23 April 2010
18:22 -
Қурмонбек Боқиев ўзининг тўнтарилиши Россиянинг иши эканлигини очиқча айтишга бошлади
Reuters агентлиги Қирғизистон президенти Қурмонбек Боқиевнинг Минскда бугун айтган гапларини хабар қилиб тарқатди. Улар (Медведев ва Путин) менга нима учун Манас базасини ушлаб турганимни гапиришарди, дебди Боқиев ва бу база русларнинг жонини чиқараргани, базанинг муддатини чўзиш ўзини тўнтариш қарорида асосий роль ўйнаганини алоҳида урғулабди. Хуллас, Боқиев биринчи марта Қирғизистондаги тўнтариш русларнинг иши эканлиги ҳақида баёнот берди.Ўзининг истеъфо ҳақидаги аризаси Путиннинг талаби билан ёзилганини айтган Боқиев, аризаси қонуний парламент тарфидан кўриб чиқилмагунча, президент бўлиб қолаверишини ҳам таъкидлаган. Айни замонда, у Қирғизистонга президент сифатида қайтиш нияти йўқлигини ҳам айтган. Лекин, унинг бу баёноти Вақтли ҳукуматнинг мақомини қонунийлаштириш ва мамлакатнинг келажагини белгилаш жараёнларига таъсир кўрсатади.
Расмда - Қурмонбек Боқиев Минскда президент сифатида чиқиш қилмоқда.
