20 April 2010
04:34 - “Ҳаракат” хатқутисидан: “Бизни амалдорлар алдаб келмоқда!”
Айни кунларда зимдан қарасам президент, давлат ва халқ манфаатларидан шахсий, ўзларининнг ғаразли мақсадлари билан айниқса оддий одамларнинг конституцион ҳақ-ҳуқуқларини, умуминсоний қадр-қиммати, шаъни ва ғурурини поймол қилаётган мансабдор шахслар “ёмон қовуннинг уруғи”дай кўпайиб бормоқда.

Биз қаламга олиб устидан шикоят қилган барча “жиноий тўда” ўз “ҳомийлари” билан осон, силлиқина эгаллаб турган мансаб курсиларидан тушиб, бамайлихотир муқаррар жазодан қочиб, “ишдан бўшаб кетдим - жазодан қутилдим” қабилида жон сақлаб, яшаб юрибди. Бу ҳомий “жиноий тўда” раҳбарлари Жарқўрғон тумани собиқ ҳокимлари Н.Шомуродов, Б.Абдураҳмонов жоҳил қонунбузар Термиз Университети ректори З.Чориев, проректор Ш.Ачилдиев, ашаддий фирибгар, қасддан талаба рейтинг дафтарчасини бузиб қалбакилаштирган декан О.Рўзиев, ўринбосари Ч.Усмоновлар эртами-кеч жазога гирифтор бўлишади! Чунки “Ҳаққа завол йўқ!”

Сохта фермер Ў.Баҳромов, “Минор” СФУ раҳбари Ш.Сатторов, фермер Н.Сатторовлар ўзаро тил бириктириб пахта экиладиган ерлардан 200 миллион сўмга шу пахта “ер савдоси” қабилида хокимлик қарори, рухсатисиз, кадастр рўйхатидан ўтмай “ерфурушлик”ни давом эттирмоқда...

Қонунбузар, фирибгар прокурорлар Д.Абдураҳмонов, Р.Тилововлар ишдан бўшаб, туҳматчи, иғвогар, фирибгар прокурорлар А.Ниязов, Ж.Козимовлар эса жиноятларини ёпиш мақсадида ишдан-ишга ўтиб, “меҳнат” қилишмоқда. Собиқ ҳоким Б. Хайитов 40 қароқчи жаллодлари билан жиноят қилиб, жазодан қочиб юрибди. Ароқхўр судья Д.Тўраев ишдан бўшаб, оддий ҳалққа адолат “эшиклари” бироз очилиб қолди...

Бизларнинг Конституцион ҳақ-ҳуқуқларимизни поймол қилиб, катта модий-маънавий зарар етказган “заракунанда”лар, аввало, Аллоҳдан, қолаверса, ҳақиқатни завол топтирмайдиган Сиздек инсонлардан мадад ва қувват олиб, поймол қилинган қадримизни, албатта, қатта тиклаб оламиз... Сиздан илтимос, аризамизни исботлаб, далил-фактларини синчиклаб ўрганиб чиқиб, “Харакат” агентлигига “Эзгулик” сари бизларни, соғ-омон етаклаб борасиз, деган умиддамиз!

Амалдорлар, уларнинг ялоқхўрлари “Фуқароларнинг мурожаатлари тўғрисида”ги қонунни қўпол равишда бузиб, фирибгарлик билан бизларни алдаб келмоқда. Хатто, Олий суд қабулхонасига (239-02-07), котибияти ходими Йўлдошевга (239-02-38) телефонларига жавоб хатини сўраб, бир неча бор мурожаат қилдик, улар ёлғон ваъда бериб, “ёзма жавоб юбордик, юборяпмиз, юборамиз...” деган қуруқ сўзлар билан алдаб, чалғитиб келишмоқда. Уларнинг асосий муддаоларини билолмадик...

Бизларга шу масалада матбуот орқали ёрдам берсангиз, деб

Ж. Эрмухаммедов
Сурхондарё вилояти Жарқўрғон тумани
26.03.2010 йил
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону