08 April 2010
05:28 -
Қирғизистондаги ҳодисалар борасида ўзбек матбуотида садо йўқ
Бугунги маҳаллий газеталар, радио-телевидение қўшни Қирғизистондаги воқеалар ҳақида лом-мим дегани йўқ. Лекин аҳоли орасида ҳукуматнинг истеъфога кетгани-ю, Боқиевнинг ғойиб бўлгани ҳақидаги хабарлар деярли тарқалиб бўлди. Кишиларнинг кўпчилиги хорижий радиолар, спутник телевидениелардан эшитган хабарларини ўзаро бир-бирларига узатмоқда. Аҳоли ўртасида тарқалган гапларга кўра, ўзбеклар қўшнимиздаги воқеаларни шундай тушунишмоқда: қирғизлар намойишга чиққан, уларни ҳукумат аскарлари ўққа тутган, Андижонда каби кўп одам ўлдирилган. Биздан фарқли ўлароқ, қирғиз халқининг норозилиги кенг тус олиб, мамлакатда инқилоб содир бўлган.
