18 July 2004
21:50 - Ўзбекистонда иктисодий мўъжиза рўй беряптими?
Мустакил Ўзбекистон иктисодиётининг тараккиёт даражасини билиш учун мамлакатдаги ишсизлар, камбагал ва кашшоклар фоизининг чин кўрсаткичини аниклаб, унинг тескари нисбатини чикарсак янглиш бўлмасди. Аммо, буни килиб бўлмайди, чунки, чунки Ўзбекистон хукумати бундай маълумотларни сир тутади, иктисодиётнинг сир тутилмайдиган бошка кўрсаткичлари эса ўрнига караб ё семиртирилади, ёки оздирилади.

Вазирлар Махкамасининг 16 июлда ўтказилган мажлиси тўгрисида кеча ЎзА берган расмий хисобот хам бундан мустасно эмас. «2004 йилнинг биринчи ярмида Ўзбекистонни ижтимоий-иктисодий ривожлантириш якунлари»га багишланган, бош вазир Шавкат Мирзиёев бошкарган мазкур мажлисда маълум килинишича, 6 ой ичида мамлакатимизда ялпи ички махсулот (ЯИМ) нинг 6,2 % ўсиши таъминланган. Ишларимиз, айтайлик, айни шу зайлда кетса ва йил охирига бориб бу ўсиш яна хам ортса, сўнгги йилларда МДХга аъзо мамлакатлар орасида энг юксак иктисодий тараккиёт намунасини кўрсатаётган Козогистондан хам ўтиб кетишимиз ажаб эмас.

Ёки ЎзА хисоботидаги мана бу гапларни олайлик. «Иктисодий ўсиш ва инфляциянинг пасайиши (инфляция фоизи негадир айтилмайди, - мухбир) ахоли реал даромадларининг ўсишини таъминлади. Хисобот даврида (ўкинг: ярим йилда) ушбу кўрсаткич 16,7 % ни ташкил этди».

Ажабо, Ўзбекистонда иктисодий мўъжиза рўй беряптими? Афсуски, турмуш хакикати бунинг тескарисини кўрсатмокда.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону