03 March 2010
21:08 -
Украина парламенти Юлия Томшенкони истеъфога жўнатди
Ҳозиргина Олий Рада Бош вазир Юлия Тмошенкога ишончсизлик билдирувчи резолюция қабул қилди. Параламент сессиясида қатнашаётган 286 депутатдан 243 киши шундай қарор учун овоз берган. Бу Бош вазирни истеъфога жўнатиш демакдир.Шундай қилиб, 5 йил аввал ҳокимиятга келган зарғалдоқчилар президентликдан кейин бош вазирлик лавозимини ҳам йўқотдилар. Асосий сабаб – зарғалдоқчиларнинг ички жанжаллари туфайли парламентдаги демократик коалициянинг тамом бўлиши.
Янги президент Янукович тарафдорлари ҳозирча парламентда кўпчиликни ташкил қилмайдилар. Демак, улар мухолифатнинг бир қисмини ўз тарафларига оғдириб олиш билан шуғулланишга мажбурлар. Эндиги мухолифатчилар, яъни зарғалдоқчилар, бир-бирлари билан душмандек бўлиб кетганлари ҳисобга олинса, буни қилиш қийин ҳам бўлмайди.
Бугунги қарорнинг қабул қилингани бу йўлдаги биринчи қадам бўлди. Юлия Тимошенкони истеъфога жўнатиш учун зарғалдоқчилардан 40 киши овоз берди: 19 киши парламент спикери Литвиннинг блокидан, 15 киши лидери феълан Юшченко бўлган «Бизнинг Украина» блокидан ва 7 киши Юлия Тимошекнонинг блокидан.
Аммо, зарғалдоқчилар қайтадан бирлаша олсалар, кучли мухолифа тузилади ва Януковичга таъсир қилиш имкониятлари кескин кўпаяди.
