02 March 2010
03:56 - Афғонистон Толибон ҳужумларини жонли ёйинда ёритишни тақиқлади, журналистлар норози, ўзбекларга ўрнак бўлсин
НАТО кучлари жанубий минтақаларни Толибон қўлидан тортиб олишни давом эттиришмоқда. Бугун Афғонистоннинг Миллий Хавфсизлик Департаменти бундай шароитда толибларнинг жангларини жонли ёйинда намойиш қилишни тақиқлади, дейилади Reuters агентлигининг хабарида. Чунки, уларни намойиш қилиш толибларни рағбатлантирар эмиш. Бу жанглар давомида олинган фильмларни фақатгина Миллий Хавфсизлик Департаментининг рухсати билан жанглардан кейингина кўрсатиш мумкин.

Табиий, журналистлар бундай цензурадан норозилар. Афғон Миллий Медиа Бирлигининг раҳбари Абдул Ҳамид бундай қадам одамларнинг оммавий ахборот воситаларига ишончини камайтиришини гапирмоқда. Бундай қарорни қоралаётган бошқа гуруҳлар ҳам бор.

Уруш ичида бўлган Афғонистоннинг журналистлари матбуот эркинлигини ҳимоя қилаётганлари ҳайрон қоладиган воқеа, дейди бу хусусда мухбиримиз. Ўзбекистон режимининг қулига айланган, унинг чизган чизиғидан чиқмасликни қўйиб туринг, бунга қарши чиқишни ҳам ҳаёлига келтирмайдиган ўзбек журналистлари озгина бўлса ҳам афғон ҳамкасбларидан ўрнак олишса бўлмасмикан.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону