17 February 2010
04:13 -
ЎзМУ журналистика факультети декани Қудрат Эрназаров ишдан олинди
Бир неча муҳаррирларни алмаштириш орқали сўз эркинлигини бўғишга киришган ҳукумат ўз ҳаракатларини давом эттирмоқда. Бугун Ўзбекистон Миллий универститети журналистика факультети декани Қудрат Эрназаров лавозимидан четлаштирилди. У бўлғуси журналист талабалар ҳуқуқларини ҳимоя қилган, журналистика ва сўз эркинлиги учун курашиб келаётган кам сонли мутахассисларнинг бири эди. Шу боисдан ҳам факультет талабалари бу ҳодисани оғриқли қабул қилишди. Унинг ўрнига муовини бўлиб ишлаган Рамзиддин Абдусатторов декан вазифасини бажарувчи этиб тайинланди.
