08 February 2010
20:25 - Флорида штатидаги Канаверал космодромидан Endeavour шаттл кемаси учирилди
Маҳаллий вақт билан соат 4:14 да (Тошкентда соат 14:14) Америкаликларнинг ўзи Кеннеди Фазовий Маркази деб атайдиган космодромддан фазога Endeavour шаттл кемаси учирилди. Космодром осмони паст булутли бўлгани учун шанба кунига режалаштирилган учириш қолдирилганди, дейилади Reuters агентлигининг хабарида.

Шаттл кема Халқаро Фазовий Станцияга (ХФС) бориб туташади, кемада олиб борилган жиҳозлар станцияга ўрнатилгач, 1998 йилда бошланган иш тамомланиб, 100 миллиард долларлик орбитал комплекс тамомийла битган ҳисобланади. Бу сафар ХФСга юборилган техник жиҳозлар Италияда НАСАнинг лойиҳаси бўйича қилинган.

Шаттлнинг экипажи 5 кишидан иборат, командир Жорж Замка. Кема 9 кун ХФС билан бирга бўлади ва учирилганидан ҳисобланса, 13 кундан кейин ерга қайтиб келади.

Бу Endeavour кемасининг охирги учирилиши экан. Бу йил яна 5 марта турли шатллар ХФСга учирилади ва шу билан америкаликларнинг ҳозирги авлод шаттларининг учиши тўхтатилади. Кейинги авлод шаттлар ҳали тайёр эмас. Улар тайёр бўлгунча, русларнинг анчагина ибтидоий бир марта учириладиган Союз типидаги кемалари орқали ХФСга космонавтлар бориб-келиб туради, орбитал станцияга озиқ-овқат ва майда-чуйда жиҳозлар ташилади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону