30 January 2010
13:08 - “Ижтимоий фикр” Ислом Каримга яна пахта қўйди, лекин бу сафар пахтанинг чигити чиқди
“Ижтимоий фикр” жамоатчилик фикрини ўрганиш маркази ҳукуматнинг навбатдаги буюртмасини дўндириб берди. Унинг куни кеча эълон қилган сўровнома натижаларига кўра, мамлакатимиз фуқароларининг 88,9 фоизи 2010 йилда ҳукумат ҳомийлигида ҳаётнинг фаровон бўлиши, иқтисодиётнинг гуллаб-яшнашига ишонади ва ҳукумат сиёсатини қўллаб-қувватлайди.

Лекин яхши яшашани истаган мамлакат аҳолисининг салкам ярми яқин қўшни мамлакатлар ва узоқдаги ривожланган ўлкаларда ишлаб тирикчилик қилиш, ўша ердан уйига пул юбориб туришга мойиллигини билдирибди. Шу ўриндаги парадокс, яъни мамлакатда фаровонлик бўлишига ишона туриб, ундан чиқиб кетиш истагининг буюклиги - сўровноманинг биринчи қисми нақадар сохта эканининг кўрсатгичидир.

Агар Ислом Карим ва унинг командасига чигит ботиб кетса, улар сўровноманинг иккинчи қисмини сохта деб топишлари муқаррар. У ҳолда бечора “Ижтимоий фикр”нинг иши битди деб ҳисоблайверинг.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону