16 January 2010
20:41 - Афғонистон парламенти Карзай таклиф қилган вазирларнинг ярмидан кўпроғини яна йиқитди
Икки ҳафта илагари Афғонистоннинг янги президенти ўз ҳукуматининг таркибини тасдиқлатиш учун парламентга тақдим этганда, уларнинг кўпчилиги йиқитилганди. Бугун Карзай қолган 17 ўринга кўрсатган вазир номзодлари парламент тарафидан кўриб чиқилди ва 10 номзод яна йиқитилди. Йиқитилганлар ичида икки аёл бор. Бошқа бир аёл вазирнинг номзоди эса тасдиқланган.

Бундан ташқари бир неча муҳим вазирликларнинг раҳбари ҳам тасдиқланди, деб хабар беради Reuters агентлиги. Масалан, ташқи ишлар, адолат, наркотикларга қарши кураш вазирликлари. Ташқи ишлар вазири этиб Залмай Расул тайинланган.

Ташқи ишлар вазирининг тайинлангани хабарда алоҳида урғуланади. Чунки, 28 январда Лондонда Афғонистоннинг келажагига бағишланган халқаро конференция бўлиши кутилмоқда. У анжуманда Афғонистондан тўла қонли вазирнинг иштирок этиши - ҳамма тарафдан муҳимдир.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону