20 July 2005
03:00 - 20:30 - Вазирлар Махкамасида катта мажлис 17:00 - Камалган «бирлик»чилар олдига адвокатлар хали хам киролмадилар - Оналарга камок жазоси - президент кўрсатмасими?
20:30 - Вазирлар Махкамасида катта мажлис

Кеча Ўзбекистон Вазирлар Махкамасида 2005 йилнинг 1-ярми ижтимоий-иктисодий якунларига багишланган катта мажлис бўлди. Уни бош вазир Шавкат Мирзиёев бошкарди.

Мажлисда таъкидланишича, ўтган ярим йилда ялпи ички махсулотнинг ўсиш кўрсаткичи 7,2 % ни ташкил этган. Шу тўгридаги расмий хабарда айтилишига кўра, бу шубхали кўрсаткич ахоли реал даромадларининг ошишини таъминлаган эмиш. Канча эдию канча бўлди? - деган саволга, табиийки, жавоб йўк.

Йигинда хусусий тадбиркорлик сохаси хар томондан - хам амалий, хам хукукий, хам иктисодий жихатдан хукумат исканжасига тушиб колгани эътироф килинди. Ўзбекистон радиосининг хабарида айтилишича, мажлисда адлия вазири Бўритош Мустафоев шу тўгрида ўз ишхонаси доирасида айрим ракамларни келтирди. Масалан, хусусий тадбиркорларга давлат рўйхатидан ўтиш пайтида 2338 марта, ер ажратиш вактида 1700 марта, лицензия беришда 1677 марта тўскинликлар килиниб, уларнинг хукуклари бузилган. Адлия вазирлиги томонидан судларга киритилган 6689 та даъво аризалари бўйича хукумат идораларидан тадбиркорларнинг 18 млрд.сўмлик маблаглари ундириб берилган (адлия расмийси бу билан, албатта, ўзи ва махкамаси хизматларини ургулаган бўлди).

Каримов режимида Ўзбекистонга киритиладиган инвестициялар масаласи ўз ечимини топгани йўк ва топмаса хам керак. Вазирлар Махкамаси йигинида 2005 йилги Инвестиция дастури лойихларини амалга оширишда хорижий инвестицияларни киритишни кўпайтира олмаётган вазирлар, хокимлар ва бошка рахбарлар каттик танкид килинди.

17:00 - Камалган «бирлик»чилар олдига адвокатлар хали хам киролмадилар

16 июлдаги хабаримизда Андижон вокеаларидан кейин камалган «Бирлик» Партияси фаолари ва хукук химоячиларининг адвокатлари Кўчкор Сотволдиев, Сухроб Исмоилов ва Рухиддин Комилов кун бўйи аввал прокуратура ва кейин Тоштурмада кутиб, камалганлар билан учрашолмаганларини билдиргандик. Вокеалар айни шаклда давом этмокда. Шу хафтанинг душанбасида ва бугун адвокатлар камалганлар билан учрашишга харакат килдилар. Аммо, уларга хеч бир сабаб кўрсатилмасдан рад жавоби берилди.

Оналарга камок жазоси - президент кўрсатмасими?

Хадислардан бирида “Жаннат оналар оёги остидадур“ дейилади. Лекин Каримов режимида - бунинг акси: истаса, нохак равишда камокка хам ташлайди. Кеча, 19 июлда шундай килинди. Тошкент шахар жиноий ишлар судида 6 онага 5–8 йиллик муддатлар билан камок хукми ўкилди. Улар такводор аёллар бўлиб, хижобда юришган, 5 нафарининг эрлари 1999–2000 йилларда диний–сиёсий айблар билан узок муддатларга камаб юборилган.

Гарчи аёллар дастлаб (шу йил апрель ойида) хибсга олинганларида “Хизб ут-Тахрир“га алокадорликда гумон килинган бўлсалар-да, кейин, хам тергов, хам суд жараёнларида бу гумон буткул рад этилди. Шунга карамай, судланувчилар диний-сиёсий ташкилот аъзоси сифатида Ўзбекистон ЖКнинг “Ўзбекистон Республикасининг конституциявий тузумига тажовуз килиш“, “Жамоат хавфсизлиги ва жамоат тартибига тахдид соладиган материалларни тайёрлаш ёки таркатиш“ хамда “Диний экстремистик, сепаратистик, фундаменталистик ёки бошка такикланган ташкилотлар тузиш, уларга рахбарлик килиш, уларда иштирок этиш“ деган моддалари билан озодликдан махрум килиндилар. Махкумаларнинг 7 нафаргача болалари тирик етимларга айлантирилди. Факатгина 65 ёшли бир аёлга 3 йиллик шартли жазо белгиланди.

Хукм ўкилгач, ундан норози бўлган махкумаларнинг якинлари бир гапни якдил тасдикладилар: оналарни нохак камаш - президент кўрсатмаси!
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону