09 November 2009
11:52 - Украинада оддий грипп эпидемиясидан 144, янги вирус гриппидан 1 одам ўлди
Бу мамлакатда оддий грипп эпидемияси давом этмоқда. Ҳукумат вазиятнинг назорат остида эканлигини айтиб, мамлакатда фавқулодда ҳолат киритиш керак эмаслигини гапиради. Президент атрофидагилар эса, ҳукумат ҳамма керакли нарсани қилмагани сабабли вазият оғирлашаётгани, фавқулодда ҳолат эълон қилиш, ҳатто, январга белгиланган президент сайловини май ойига ўтказиш фикрини олға сурмоқда.

УНИАН агентлигининг соғлиқни сақлаш вазирлигига асосланиб билдиришича, сўнгги кеча-кундузда яна 9 киши гриппдан ўлган, ўлганларнинг умумий сони 144 бўлган. Бу касалга чалинганлрнинг сони бир миллионга яқинлашмоқда. 345 киши реанимацияда. Эпидемия 16 вилоятга тарқалган.

Яна шу агентликнинг хабарига қараганда, Ольга Логвинчук исмли аёл янги вирус гриппидан ўлган. У “Интер” телеканалининг журналисти эди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону