28 October 2009
15:18 - Яна бир эътиқод асирига қўшимча муддат берилди
Ўзбекистон инсон ҳуқуқлари “Эзгулик” жамият тарафидан тарқатилган пресс-релизда айтилишча, жиноят ишлари бўйича Юнусобод тумани суди томонидан 2000 йилнинг 24 июлида диний радикал оқимга мансубликда айбланиб, 16 йилга озодликдан маҳрум этилган Мирзакарим Авазовга муассаса тартибини бузганлик айби билан 4,5 йил муддат қўшиб берилди. Унинг 16 йиллик жазо муддати турли йилларда амнистия актлари билан қисқариб, битишига 9 ой қолганди. Мирзакарим 2002 йилнинг августида Жаслиқ лагерида миршаблар томонидан қийнаб ўлдирилган диндор Музаффар Авазовнинг укаси, оммавий ахборот воситалари орқали жамоатчилика яхши таниш бўлган Фотима Муқадированинг ўғлидир.

“Эзгулик” суднинг мазкур ҳукмини қоралаб, юқори инстанцияларни инсофга чақирган.

Пресс-релизнинг тўлиқ матни билан жамиятнинг сайтида танишинг - www.ezgulik.org
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону