23 October 2009
22:22 -
Турк дунёсининг лидери Нурсултон Назарбой Туркияда
Қозоғистоннинг президенти Нурсултон Назарбой кеча расмий ташриф билан Туркияга келди, дейилади қозоқларнинг расмий Казинформ агентлигининг баландпарвоз сўзлар билан тўла хабарларида. У Анқарада Туркия президенти Абдуллоҳ Гул билан учрашган, икки президент Стратегик ҳамкорлик ҳақида шартнома имзолашган, Нурсултон Назарбой бу мамлакатнинг парламенти – Туркия Буюк Миллат Мажлисида нутқ сўзлаган.
Қозоғистон президенти Туркия давлатининг олий мукофоти билан тақдирланганини билдирган Казинформ бу мукофотнинг отини айтишни унутган. Аммо Абуллоҳ Гулнинг “Нурсултон Назарбоев Турк дунёсининг лидеридир” деган сўзлари сарлавҳаларга чиқарилган.
Бугун Нурсултон Назарбой Анқарадан Истанбулга келди ва икки мамлакат бизнесменларининг форумида иштирок этди. У билан бирга 500 қозоқ бизнесмени Туркияга келгани ҳам айтилмоқда.
Яна хабарлардан маълум бўлишича, Нурсултон Назарбой турли учрашувлар вақтида Остонада Турк Академияси очиш таклифини ўртага ташлаган, Туркиянинг Қораденгиз бўйидаги Самсун портидан Ўртаер денгизидаги Жайхун портигача нефть қувури қурилса, Россия ва Қозоғистон бу лойиҳада иштирок этишга тайёрлигини таъкидлаган. У Россиянинг номидан ҳам гапираётганидан тушунса бўладики, бундай нефть қувури қуриш масаласи аллақачан ҳамма тарафлар томонидан феълан маъқуллаб бўлинган. Яқин орада масала расмий даражаларда ҳал қилинса керак.
Маълумки, бир неча йилдан бери Баку-Жайхун нефть қувури ишламоқда. Энди Самсун-Жайхун нефть қувури қурилса, Россия ва Қозоғистоннинг дунё нефть бозорларидага мавқеа яна ҳам мустаҳкамланади, нефть транспортировкаси Туркияни ҳам иқтисодий ва сиёсий маънода кучайтиради.
Аммо Турк оммавий ахборот воситалари бу ташрифга ортиқча эътибор беришмаётгани ҳам қизиқ. Бу мамлакат матбуотида, бир-иккита расмий хабардан бошқа, Нурсултон Назарбойнинг ташрифига оид маълумот йўқ ҳисоб.
Қозоғистон президенти Туркия давлатининг олий мукофоти билан тақдирланганини билдирган Казинформ бу мукофотнинг отини айтишни унутган. Аммо Абуллоҳ Гулнинг “Нурсултон Назарбоев Турк дунёсининг лидеридир” деган сўзлари сарлавҳаларга чиқарилган.
Бугун Нурсултон Назарбой Анқарадан Истанбулга келди ва икки мамлакат бизнесменларининг форумида иштирок этди. У билан бирга 500 қозоқ бизнесмени Туркияга келгани ҳам айтилмоқда.
Яна хабарлардан маълум бўлишича, Нурсултон Назарбой турли учрашувлар вақтида Остонада Турк Академияси очиш таклифини ўртага ташлаган, Туркиянинг Қораденгиз бўйидаги Самсун портидан Ўртаер денгизидаги Жайхун портигача нефть қувури қурилса, Россия ва Қозоғистон бу лойиҳада иштирок этишга тайёрлигини таъкидлаган. У Россиянинг номидан ҳам гапираётганидан тушунса бўладики, бундай нефть қувури қуриш масаласи аллақачан ҳамма тарафлар томонидан феълан маъқуллаб бўлинган. Яқин орада масала расмий даражаларда ҳал қилинса керак.
Маълумки, бир неча йилдан бери Баку-Жайхун нефть қувури ишламоқда. Энди Самсун-Жайхун нефть қувури қурилса, Россия ва Қозоғистоннинг дунё нефть бозорларидага мавқеа яна ҳам мустаҳкамланади, нефть транспортировкаси Туркияни ҳам иқтисодий ва сиёсий маънода кучайтиради.
Аммо Турк оммавий ахборот воситалари бу ташрифга ортиқча эътибор беришмаётгани ҳам қизиқ. Бу мамлакат матбуотида, бир-иккита расмий хабардан бошқа, Нурсултон Назарбойнинг ташрифига оид маълумот йўқ ҳисоб.