20 October 2009
12:28 - Ҳамид Карзайни америкаликлар президент сайловининг иккичи турига рози қилишганга ўхшайди
Бундай хулосага АҚШ Давлат Котиби Ҳиллари Клинтонинг Reuters агентлиги тарафидан келтирилган сўзларига асосланиб келиш мумкин. У шундай деган: “Карзай ўзининг планларини сешанба куни очиқламоқчи. Мен бу хусусда аввалдан гапирмоқчи эмасман, аммо унинг қайси йўналишда кетаётганидан мамнунман. Биз ҳозирги вазиятдан чиқиш йўлини конституция рамкасида яқин кунларда топамиз деб катта умид қиламан”. Ҳиллари Клинтон сайловнинг иккинчи тури шу йилнинг ўзидаёқ ўтиши мумкинлигини рад этмаган.

Карзайнинг сайловдаги асосий рақиби Абдулло Абдуллоҳ иккинчи турга тўла тайёр эканлигини билдирибди ва сайловлар қишгача ўтса яхши бўлишини урғулабди.

Хуллас, дейди “Ҳаракат”нинг мухбири, Хиллари Клинтоннинг сўзлари Карзай билан иккинчи тур сайлови ҳақида келишув борлигига ишора қилмоқда. Демак, иккинчи тур бўлади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону