17 October 2009
22:17 -
Самарқанд вилояти ҳокими ўринбосари Гулнора Шодиева ҳамда шоира Гулжамол Асқарова қамоққа олинди
Бундан бир неча кун муқаддам Самарқанд вилояти прокуратураси томонидан шоира, Ўзбекистон Республикаси Хотин-қизлар қўмитаси етакчи мутахассиси Гулжамол Асқарова (расмда) ҳамда Самарқанд вилояти ҳокими ўринбосари, вилоят хотин-қизлар қўмитаси раиси Гулнора Шодиева ҳибсга олинган. Вилоят прокуратурасидаги манба ҳозирда уларнинг жиноий жавобгарликка тортилгани, фирибгарликда айбланаётганини айтди.Маълум бўлишича, Хотин-қизлар қўмитасининг икки мансабдор вакиласи вилоятнинг Пастдарғом туманида яшовчи фуқародан унинг қизига “Зулфия” мукофотини олиб бериш шарти билан 1600 АҚШ доллари миқдорида пул олган. Гулжамол пастарғомлик қизга шеърлар ёзиб бериб, “шоира”га айлантириши, Шодиева эса унга “Зулфия” мукофотига танловда биринчиликни олиб бериши лозим эди.
Президент фармонига кўра, мазкур мукофотга лойиқ кўрилганлар мамлакатдаги исталган олий ўқув юртига имтиҳонсиз ўқишга қабул қилинади. Кейинги йилларда ижодкорлар орасида “Зулфия бизнеси” билан шуғулланаётганлар ортиб бораётгани сир эмасди, дейди мухбиримиз.
