16 October 2009
12:34 - Россия президенти ТҲКК машғулотларининг финалини кузатиш учун Қозоғистонга келди, Ўзбекистоннинг ери қаерда?
Русларнинг “Новости” агентлигининг хабарига кўра, Дмитрий Медведев кеча кечқурун ишчи ташриф билан Қозоғистонга келди ва бугун Коллектив Хавфсизлик Шартномаси Ташкилотининг (КХШТ) Тезкор Ҳаракат Коллектив Кучлари (ТҲКК) ўтказаётган илк машғулотларнинг финалини кузатади. Хабарда айтилишича, бу тадбирда КХШТга кирувчи мамлакатларнинг президентлари ва мудофаа вазиралари иштирок этилиши кутилмоқда. Табиий, Медведевнинг олдида Нурсултон Назаробой алабатта бўлади.

Бу тадбир қанчалик дабдабали ўтказилмасин, пропагандадан бошқа нарса эмас. На КХШТ на яқинда тузилган ТҲКК реал кучга эмас, аммо Россия уларни реал кучга айлантириш, КХШТ ва ТҲККни биргаликда Варшава Шартномасининг ўрнини босадиган сиёсий-ҳарбий альянсга айлантириш орзусида эканлиги кўриниб турибди. Руслар шу йўл билан НАТОга қарши туроладиган куч яратмоқчилар. Бу – ҳозирча бажариб бўлмайдиган ҳаёл халос.

Биз ўзбеклар учун муҳим бўлган масала Ўзбекистоннинг қаерда бўлишидир. Ҳозирча Ўзбекистон аросатда қолмоқда. Бу таҳликали нарса. Ўзбекистон учун позияцини белгилаб олиш вақти келди. Биз НАТОни танлашимиз керак. Шундай қилинса, Мраказий Осиёнинг бошқа мамлакатлари ҳам шу йўлни танлашга мажбур бўладилар.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону