01 October 2009
00:50 - Индонезияда кучли қимирлаш натижасида 75 киши ўлди, саноқсиз одам вайроналар остида
Бугун бу мамлакатнинг Суматра оролидаги шу номли вилоятнинг маркази Паданг шаҳрида Рихтер шкаласи бўйича 7,6 даражали ер қимирлаш бўлди, деб хабар беради Reuters агентлиги. Пайтахт Жакартада матбуот конференцияси ўтказган мамлакат вице-президенти Юсуф Калла шу вақтгача 75 кишининг ўлиги топилгани, лекин вайроналар остида ҳали ўн минглаб одамлар борлигини айтган. Уларнинг катта бир қисми ҳалок бўлган бўлса керак.

900 минг киши яшайдиган шаҳар вайронага айланибди. Соғлиқни сақлаш вазири Рустам Пакая ўлганлар сони соат сари ортиб бораётганини, қоронғи соатларда қутқариш ишларини олиб бориш яна ҳам қийинлашганини билдирган.

Кузатувчиларнинг фикрича, ҳалок бўлганларнинг сони ваҳимали даражаларга етса керак. Чунки 2006 йилда Йогукарта шаҳридаги ер қимирлашда 5 минг киши ҳалок бўлган, 150 минг уй-жой мутлақо вайрон бўлган эди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону