15 September 2009
04:09 - Афғонистоннинг миллий хавфсизлик хизмати ходимлари ал-қоидачи ўзбекларни ушладилар
Бу мамлакатнинг Миллий Хавфсизлик Бош Бошқармаси (МХББ) ходимлари Ал Қоиданинг ўзбек бўлими фаоли Ҳолид Аҳмедовни Қундуз вилоятила ҳибсга олдилар, дейилади русларнинг izvestia.ru сайтида берилган хабарида.

МХББ матбуот хизмати вакили Ал Қоиданинг ўзбек бўлимига Тоҳир Йўлдош раҳабарлик қилишини айтганидан билса бўладики, у Ал Қоиданинг ўзбек бўлими дегандаЎзбекистон Исломий Ҳаракатини назарда тутмоқда. Ҳолид Аҳмедов асли фарғоналик бўлиб, Афғонистонда Мастар Салиммулла номи остида яшар экан. У ўзининг сафдоши Насиром Аҳмад билан алоқа қилаётган пайтда қўлга олинган.

Уларнинг иккаласи ҳам Покистоннинг Жанубий Вазиристон вилоятидан келишган ва шахсан Тоҳир Йўлдошнинг кўрсатмаси билан енгил ва оғир қуролларни ишлатишни ўрганишмоқчи бўлишган.

Бу хабар қанчалик тўғри эканлигини келажак кўрсатса керак, дейди “Ҳаракат”нинг мухбири. Аммо, охирги жумлалар жуда шубҳали. Ҳибсга олинганлар учун қурол ишлатишни Жанубий Вазиристонда ўрганиш энг осон йўл эди, нимага улар Афғонистонга келишди?
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону