12 September 2009
20:52 -
Анвар қорига суиқасд иши бўйича қидирилаётган Одилжон Абдурасулов ғойиб бўлди
“Эзгулик” жамиятининг навбатдаги прес-релизи (№37, 12.09.2009) шу ҳақда. Маълум бўлишича, 1999 йилги февраль портлашларига аралашганликда гумон қилиниб, ўша пайтда 3 ой қамоқда ҳам ўтириб чиққан Одилжон Абдурасуловни ҳозир Анвар қорига суиқасд иши бўйича қидиришмоқда. Бу ҳақда унинг онаси Раъно ая ҳуқуқ ҳимоячиларига маълумот берган ва ўғлини ҳимоя қилишда ёрдам сўраган.
Аввал аянинг бошқа ўғли Орифжонни мирашаблар йўқлашган. Буни эшитган Одилжон оиласи билан тоғда дам олаётган жойидан қайтиб келиб, отаси билан биргаликда Мирзо Улуғбек ИИБга борган. Уни бу ерда ҳеч ким қабул қилмагач, келганини муассаса китобига қайд қилдириб, ўша ерда ғойиб бўлган.
У 5 август куни онасига қўнғироқ қилиб, айбсизлиги, лекин 1999 йил воқеаларидаги каби унга яна туҳмат қилишларидан, қийнашларидан қўрқаётганини айтибди. Суиқасд очилиб, айбдорлар жазога тортилгач келишини айтиб, хайрлашибди.
Шундан бери Одилжон Абдурасуловнинг на тириги, на ўлигидан дарак бор. Ўзи миршабхонага борганда ҳеч ким қизиқмаган одамни энди миршаблар қидиришга тушишган. Унинг қаердалигини гўёки била туриб айтмаётгани учун оила аъзолари таъқиб ва зўравонликлар остида қолган.
Бўлаётган ишларнинг қоронғилик тарафлари кўп. Лекин тергов ва суриштирув ишларининг қонун доирасида олиб борилишига шубҳа бор. Раъно ая адолат ғолиб чиқишини истаб ёрдам қидирмоқда.
Пресс-релизнинг тўла матни билан жамиятнинг сайтида танишиш мумкин – ww.ezgulik.org
Аввал аянинг бошқа ўғли Орифжонни мирашаблар йўқлашган. Буни эшитган Одилжон оиласи билан тоғда дам олаётган жойидан қайтиб келиб, отаси билан биргаликда Мирзо Улуғбек ИИБга борган. Уни бу ерда ҳеч ким қабул қилмагач, келганини муассаса китобига қайд қилдириб, ўша ерда ғойиб бўлган.
У 5 август куни онасига қўнғироқ қилиб, айбсизлиги, лекин 1999 йил воқеаларидаги каби унга яна туҳмат қилишларидан, қийнашларидан қўрқаётганини айтибди. Суиқасд очилиб, айбдорлар жазога тортилгач келишини айтиб, хайрлашибди.
Шундан бери Одилжон Абдурасуловнинг на тириги, на ўлигидан дарак бор. Ўзи миршабхонага борганда ҳеч ким қизиқмаган одамни энди миршаблар қидиришга тушишган. Унинг қаердалигини гўёки била туриб айтмаётгани учун оила аъзолари таъқиб ва зўравонликлар остида қолган.
Бўлаётган ишларнинг қоронғилик тарафлари кўп. Лекин тергов ва суриштирув ишларининг қонун доирасида олиб борилишига шубҳа бор. Раъно ая адолат ғолиб чиқишини истаб ёрдам қидирмоқда.
Пресс-релизнинг тўла матни билан жамиятнинг сайтида танишиш мумкин – ww.ezgulik.org
