28 August 2009
01:35 -
Пойтахт марказида, Анҳор бўйида йирик ёнғин
Бугун пойтахтнинг Мустақиллик майдонига туташ ерда жойлашган кўп қаватли уйларда ёнғин чиқди ва ўт ўчирувчи машиналарнинг сереналари шовқини тошкентликларнинг қулоғини қоматга келтирди. Анҳор ёқасида ўтган асрнинг 70 йилларида қад кўтарган бу уйлар томи ёғочдан қурилгани боис ҳам талофатнинг кўлами катта бўлди. Аллақачон бузилиши керак бўлган бу уйларда чиққан ёнғин туфайли шаҳарнинг энг йирик Навоий шоҳ кўчасида куни бўйи тирбандликлар юзага келди. Миршабларнинг таъкидлашича, хусусий хонадондаги бу ёнғин қисқа электр туташувидан келиб чиққан.
